រាជធានីភ្នំពេញ ៖ និស្សិតប្រុសម្នាក់ត្រូវបាននារីជាគូស្នេហ៍ចាក់មួយកាំបិតរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យកាល់ម៉ែត ខណៈដែលអ្នកទាំងពីរបាននាំគ្នាទៅរួមរ័កនៅក្នុងផ្ទះសំណាក់ ហើយនារីជាសង្សារបានឱ្យបុរសជាគូស្នេហ៍ប្រើស្រោមអនាម័យ តែគេមិនព្រមនាងក៏ដកកាំបិតដែលដាក់នៅជាប់នឹងខ្លួនចាក់មួយកាំបិត បណ្តាលឱ្យហូរឈាមស្រោចខ្លួន បង្កឱ្យមានការភ្ញាក់ផ្អើលកាលពីវេលាម៉ោង២រសៀលថ្ងៃទី១ កក្កដា ២០១២ នៅផ្ទះសំណាក់មង្គលរតនៈ ក្នុងសង្កាត់ទួលសង្កែ ខណ្ឌឫស្សីកែវ។
ប្រភពព័ត៌មានបានឱ្យដឹងថា កាលពីកន្លងមកគូស្នេហ៍មួយគូនេះធ្លាប់បានរួមរ័កជាមួយគ្នាម្តងមកហើយ ហើយខាងនារីជាគូស្នេហ៍បានសុំឱ្យបុរសជាសង្សារប្រើស្រោមអនាម័យ តែគេមិនព្រម រហូតបង្ខំនាងរួមរ័កបានសម្រេច លុះក្រោយមកនាងក៏ដាក់កាំបិតជាប់តាមខ្លួន ។ នារី សង្សារដែលជាជនដៃដល់ឈ្មោះឡាំ ដាវ អាយុ១៧ឆ្នាំ រស់នៅក្នុងសង្កាត់គីឡូម៉ែត្រលេខ៦ ខណ្ឌឫស្សីកែវ ត្រូវសមត្ថកិច្ចចាប់ឃាត់ខ្លួនបានភ្លាមៗផងដែរ ។ ចំណែកបុរសរងគ្រោះឈ្មោះសាន់ សេងគីម ហៅសាល អាយុ២៥ឆ្នាំ ជានិស្សិតឆ្នាំទី២ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
