រាជធានីភ្នំពេញ ៖ រថយន្តឡិចស៊ីស៤៧០ ពណ៌ស្ករ បើកបរដោយជនជាតិចិន បត់ឆ្វេងជ្រុលទៅបុកម៉ូតូស្តេប បណ្តាលឱ្យស្ត្រីអ្នកបើកម៉ូតូដួលរងរបួសជើង ។ គ្រោះថ្នាក់នេះកើតឡើងកាលពីវេលាម៉ោង៩និង៤០នាទីព្រឹកថ្ងៃទី ២៩ មិថុនា តាមបណ្តោយផ្លូវ៦០៦ កែងផ្លូវលេខ៣១១ ក្នុងសង្កាត់បឹងកក់២ ខណ្ឌទួលគោក។
ស្ត្រីរងគ្រោះមានឈ្មោះម៉ុក គន្ធារី អាយុ៤០ឆ្នាំ ជាគ្រូបង្រៀននៅវិទ្យាល័យឥន្ទ្រទេវី ស្នាក់នៅផ្ទះលេខ២៤ ផ្លូវលេខ៦០៨ សង្កាត់បឹងកក់ទី២ ខណ្ឌទួលគោក ។ ចំណែកជនជាតិចិន បន្ទាប់ពីបង្កហេតុរួចបានជិះម៉ូតូឌុបគេចខ្លួនទៅបាត់ លុះមួយសន្ទុះក្រោយមកទើបឃើញតំណាងចេញមកចរចាធ្វើការដោះស្រាយ តែស្ត្រីរងគ្រោះបានបញ្ជូនទៅព្យាបាលបាត់ហើយ ទើបសមត្ថកិច្ចយករថយន្ត និងម៉ូតូទៅធ្វើការដោះស្រាយនៅខណ្ឌទួលគោក ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
