ភ្នំពេញ៖ ឆ្លងកាត់ការជម្រុះ អស់ជាច្រើនសប្តាហ៍ មកនេះក្នុងកម្មវិធី ប្រឡងចម្រៀង លំដាប់ថ្នាក់ពិភពលោក "The Voice Cambodia" បានរកឃើញ បេក្ខភាពចំនួន៤រូប ជាកូនក្រុមរបស់ គ្រូបង្វឹក (Coach) នីមួយៗ ដែលមានសមត្ថភាព ខ្ពស់ជាងគេ និងមានសំឡេងផ្អែម ពិរោះនោះ បានឈានចូលមក ដល់វគ្គផ្តាច់ព្រ័ត្រហើយ នៅថ្ងៃអាទិត្យ ទី១៦ ខែវិច្ឆិកា ឆ្នាំ២០១៤ ខាងមុខនេះ ។

ទោះជាយ៉ាងណា បេក្ខភាពទំាង៤រូបនោះ ត្រៀមខ្លួនប្រកួតប្រជែង ដណ្ដើមពាន រង្វាន់ "The Voice Cambodia" មានដូចជា បេក្ខជន ប៊ុត សីហា ជាកូនក្រុមរបស់ លោក ឆន សុវណ្ណារាជ , បេក្ខជន ឃុន វុត្ថា ជាកូនក្រុមរបស់ កញ្ញា ឱក សុគន្ធកញ្ញា , បេក្ខជន សយ រតនៈ ជាកូនក្រុមរបស់ កញ្ញា ពេជ្រ សោភា និងបេក្ខនារី ចំរើន សុភ័ក្ត្រ ដែលជាកូនក្រុមរបស់ លោក ណុប បាយ៉ារិទ្ធ ។

ប្រសិនបើលោក អ្នកពេញចិត្តគាំទ្រ បេក្ខជនមួយរូបណា ដើម្បីឲ្យទទួល បានជ័យលាភី ក្នុងរដូវកាលទី១នេះ ពីកម្មវិធីប្រទ្បង ចម្រៀងលំដាប់ថ្នាក់ ពិភពលោក "The Voice Cambodia" នេះ សូមផ្ញើសារ លេខសម្គាល់ របស់បេក្ខជននោះ ឬទូរស័ព្ទទៅលេខ ២០១៤ ។

សូមបញ្ជាក់ថា លេខសម្គាល់ខ្លួន របស់បេក្ខភាពនីមួយៗ រួមមាន៖ បេក្ខជន ឃុន វុត្ថា ផ្ញើសារលេខ១ ទៅកាន់លេខ ២០១៤, បេក្ខជន ប៊ុត សីហា ផ្ញើសារលេខ ២ ទៅកាន់លេខ ២០១៤, បេក្ខនារី ចំរើន សុភ័ក្រ្ត ផ្ញើសារលេខ៣ ទៅកាន់លេខ ២០១៤ និងបេក្ខជន សយ រតនៈ ផ្ញើសារលេខ៤ ទៅកាន់លេខ ២០១៤ ៕





បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ឱក សុគន្ធកញ្ញា