ការកើតមុន ជារឿងកង្វល់មួយ សម្រាប់មនុស្សគ្រប់រូប ដែលគ្មាននរណាម្នាក់ ចង់កើតវានោះទេ។ ប៉ុន្តែតើអ្នក ដឹងទេថា នៅពេលអ្នក កើតមុន តើអ្នកគួរជៀសវាង ជាមួយអាហារបែបណាខ្លះ? ថ្ងៃនេះ ប្រិយមិត្ត នឹងជម្រាបប្រាប់ ប្រិយមិត្ត ពីអាហារដែលអ្នក គួរនៅឲ្យឆ្ងាយ នៅពេលអ្នកកើតមុន ដើម្បីកុំឲ្យវា ក្លាយ ជាបញ្ហាធំ៖

១) ស្ករ៖ ជាតិស្ករ គឺវាជាសារធាតុមួយ ដែលធ្វើឲ្យអ្នក កើតមុនបាន ដូច្នេះប្រសិនបើអ្នក កំពុងតែកើតមុន អ្នកគួរ តែបញ្ឈប់ នូវជាតិស្ករទាំងនោះ។ បន្ថែមពីនេះទៅទៀត ជាតិស្ករ អាចធ្វើឲ្យមុន នៅលើ របស់អ្នក ឡើងទៅជារីកធំ។

២) អាហារសម្បូរជាតិទឹកដោះគោ៖ ប្រសិនបើរបបអាហាររបស់អ្នក ពោរពេញ ទៅដោយអាហារ សម្បូរជាតិ ទឹកដោះគោ ដូចជា ឈីស ក្រែមក្នុងបង្អែម គឺបញ្ហាមុន គឺវាមិនអាច បាត់ទៅវិញ នោះទេ។ ទោះជាយ៉ាងណា ជាតិទឹកដោះគោ គឺពិតជា សម្បូរជាតិកាល់ស្យូម ដែលអាចជួយ លើស្បែក ឆ្អឹងរបស់អ្នក បានពិតមែន ប៉ុន្តែវាមិនអាចជួយ លើបញ្ហាមុន របស់អ្នក បាននោះទេ។ ដូច្នេះបើអ្នក ចង់បន្ថែមជាតិ កាល់ស្យូម ដោយមិនចាំបាច ពឹងពាក់លើជាតិ ទឹកដោះគោនោះ គឺមានបន្លែមួយចំនួន ដូចជា ស្ពៃប្រូខូលី រឺក៏ទឹកសណ្តែក គឺពពួកទាំងនេះ ក៏សម្បូរជាតិ កាល់ស្យូម ដូចគ្នា។

៣) កាហ្វេអ៊ីន៖ តើអ្នកដឹងទេថា កាហ្វេខ្មៅ អាចធ្វើឲ្យ មុនរបស់អ្នក រីកធំបាន ដូច្នេះប្រសិនបើអ្នក កំពុងតែ កើតមុន ហើយចង់បំបាត់វា គឺអ្នកគួរនៅឲ្យឆ្ងាយ ពីជាតិកាហ្វេអ៊ីន។ ជាពិសេសអ្នក អាចប្តូរពី ការពិសារកាហ្វេ មកជាពិសារទឹកធម្មតា ដែលអាចជួយ លើសរីរាង្គក្នុង រាងកាយរបស់អ្នក បានផងដែរ។

៤) អាហារមិនល្អ៖ ចំពោះអាហារ ដែលសម្បូរជាតិ អំបិល ខ្លាញ់ ស្ករ សុទ្ធតែពពួក ធ្វើឲ្យ មុនរបស់អ្នក ឡើងកាន់ តែខ្លាំង។ អ្វីដែល ប្រសើរនោះ អ្នកគួរតែជៀសវាង ពីពពួកទាំងនោះ ទៅជា បន្លែ ផ្លែឈើវិញ ទើបអាចកច្ចាត់មុនចេញ ពីមុខរបស់អ្នកបាន។

៥) អាហារលឿនៗ (Fast Food) ៖ ភាគច្រើន មនុស្សចូលចិត្ត បរិភោគពពួកអាហារទាំងនោះ ដូចជា បឺហ្កឺ អាហារបែបបំពង ជាដើម នៅក្នុង ភោជនីយដ្ឋាន និមួយៗ ប៉ុន្តែចំពោះអាហារ ទាំងនេះ គឺវាមិនអាច ជួយឲ្យមុន របស់អ្នក អាចបាត់នោះទេ ហើយអាហារដែលល្អ សម្រាប់អ្នក មានដូចជា សាឡាដ៏ ទើបជួយចំពោះ សុខភាព និងបញ្ហាកើតមុន បានផងដែរ។

៦) គ្រឿងស្រវឹង៖ តាមការសិក្សា បានឲ្យដឹងថា ជាតិពុល ភាគច្រើនមានក្នុង ថ្នាំជក់ និង គ្រឿងស្រវឹង ហើយ វាជាមូល ហេតុចំបងមួយ ដែលធ្វើឲ្យកើតមុនបាន លើផ្ទៃមុខ។ បន្ថែមពីនេះ ប្រសិនបើ ទម្លាប់របស់អ្នក ចូលចិត្តជក់បារី រឺក៏ផឹកស្រា នោះបញ្ហាមុន នឹងកើតឡើង ជាបន្តបន្ទាប់ នៅផ្ទៃមុខរបស់អ្នក។

ទាំងនេះ ជាអាហារមួយចំនួន ដែលអ្នកគួរតែជៀសវាង នៅពេលអ្នកកើតមុន៕

រូបតំណាង

ប្រភព៖ magforwomen

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]