រាជធានីភ្នំពេញ ៖ ក្រោយពីចាប់ជំរិត និងសម្លាប់ក្មេងប្រុសអាយុ៨ឆ្នាំយកទៅបោះចោលក្នុងវត្តចំពុះក្អែក ស្ថិតក្នុងភូមិចំពុះក្អែក សង្កាត់ព្រែកថ្មី ខណ្ឌមានជ័យ បង្កឲ្យមានការភ្ញាក់ផ្អើល កាលពីរសៀលថ្ងៃអាទិត្យ ទី៥ កុម្ភៈ កន្លងមកនេះ ត្រូវកម្លាំងនគរបាលនាយកដ្ឋានសន្តិសុខផ្ទៃក្នុងក្រសួងមហាផ្ទៃខិតខំស្រាវជ្រាវរហូតដល់ព្រឹកថ្ងៃទី៦ កុម្ភៈ ២០១២ ជនសង្ស័យចំនួន៣នាក់ត្រូវបានឃាត់ខ្លួនជាបន្តបន្ទាប់នៅស្រុកកោះធំ ខេត្តកណ្តាល។
ជនសង្ស័យត្រូវបានឃុំខ្លួនបណ្តោះអាសន្ននៅនាយកដ្ឋានសន្តិសុខផ្ទៃក្នុងក្រសួងមហាផ្ទៃ ដើម្បីសួរចម្លើយស្វែងរកការពិត និងឈានទៅចាប់បក្សពួកបន្តទៀត។ នគរបាលខេត្តកណ្តាលបានឲ្យដឹងថា នៅព្រឹកថ្ងៃទី៦ កុម្ភៈ ២០១២ ពិតជាមានកម្លាំងនគរបាលនាយកដ្ឋានសន្តិសុខផ្ទៃក្នុងក្រសួងមហាផ្ទៃប្រដាប់ដោយអាវុធ និងរថយន្តបានសហការជាមួយនគរបាលព្រហ្មទណ្ឌនៃស្នងការនគរបាលខេត្តកណ្តាល និងនគរបាលស្រុកកោះធំ ចុះតាមប្រមាញ់មុខសញ្ញាចាប់ជំរិត និងសម្លាប់ក្មេងប្រុសអាយុ៨ឆ្នាំយកទៅប្លុងចោលនៅក្នុងវត្តចំពុះក្អែក។ ជាលទ្ធផលជនសង្ស័យចំនួនបីនាក់ត្រូវបានឃាត់ខ្លួនជាបន្តបន្ទាប់ក្នុងភូមិសាស្រ្តស្រុកកោះធំហើយមិនមានការផ្ទុះអាវុធនោះទេ ។ ជនសង្ស័យត្រូវបានបញ្ជូនតាមរថយន្តទៅកាន់នាយកដ្ឋាននគរបាលសន្តិសុខផ្ទៃក្នុងក្រសួងមហាផ្ទៃ ហើយក៏មិនទាន់ស្គាល់អត្តសញ្ញាណនៅឡើយដែរ។
ប្រភពព័ត៌មានបានបង្ហើបឲ្យដឹងទៀតថា ជនសង្ស័យបីនាក់ដែលពាក់ព័ន្ធការចាប់ជំរិត និងសម្លាប់ក្មេងប្រុសអាយុ៨ឆ្នាំដែលនគរបាលចាប់ខ្លួនក្នុងនោះមានម្នាក់ជាជនដៃដល់ ៕
ដកស្រង់ ពី កោះសន្តិភាព
Khmerload: ព័ត៌មានចាស់ថាជាក្មេងស្រី សូមអធ្យាស្រ័យផង ព្រោះ Khmerload គ្រាន់តែដកស្រង់តែប៉ុណ្ណោះ។ Khmerload សប្បាយចិត្តដែល បងប៉ូលីសចាប់ពួកនោះបានឆាប់។
សូមប្រិយមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]