ក្រុងតាខ្មៅ, កណ្តាល ៖ ចោរ៤នាក់ប្រដាប់ដោយកាំភ្លើងខ្លីស្ទើរគ្រប់ដៃបានឆ្មក់ចូលប្លន់ ផ្ទះលក់មាស-ប្តូរប្រាក់នៅផ្សារតាខ្មៅថ្មីប្រមូលយកគ្រឿងអលង្ការ មាស-ប្លាទីនច្រើនសន្ធឹកសន្ធាប់ រួចហើយពួកគេបានជិះម៉ូតូរត់គេចខ្លួនយ៉ាងប្រញាប់ប្រញាល់បង្ក ឱ្យមានការភ្ញាក់ផ្អើលកាលពីវេលាម៉ោង១និង១០នាទីរសៀលថ្ងៃទី ២៧ មិថុនា ២០១២ ស្ថិតក្នុងភូមិដើមមៀន សង្កាត់ដើមមៀន ក្រុងតាខ្មៅ ។
តាមសាក្សីបាននិយាយឱ្យដឹងថា ពួកចោរមានគ្នា៤នាក់ជិះម៉ូតូស៊េរីទំនើប២គ្រឿងមកឈប់មុខផ្ទះ លក់មាស-ប្តូរប្រាក់ខាងលើ ដោយដកកាំភ្លើងភ្ជង់ម្ចាស់ផ្ទះ និងបញ្ជាមិនឱ្យស្រែក... អ្នកណាហ៊ានស្រែកនឹងបាញ់សម្លាប់ចោល ។ បន្ទាប់មកប្រមូលយកគ្រឿងអលង្ការមាស-ប្លាទីនយ៉ាងច្រើនសន្ធឹក សន្ធាប់ ហើយភ្លាមៗនោះពួកចោរបានឡើងដោះកាមេរ៉ាចាប់សកម្មភាព (កាមេរ៉ាសុវត្ថិភាព) ដែលដាក់ឱ្យថតសកម្មភាពផ្សេងៗនៅមុខផ្ទះយកទៅជាមួយគេចខ្លួន បាត់ ។
ពេលនេះប៉ូលិសកំពុងតែទាក់ទងកម្លាំងគ្រប់ផ្នែក ឱ្យចេញស្ទាក់នៅតាមកន្លែងនានា ដើម្បីស្វែងរកចាប់ពួកចោរទាងនោះហើយ... ប៉ុន្តែជិត២ម៉ោងមកនេះរកចោរមិនឃើញទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
