ខេត្តព្រៃវែង ៖ រថយន្ដទេសចរណ៍ធំៗត្រូវបានមន្ត្រីគយឃាត់ចាប់ជាប្រភេទរថយន្ដ៤៥កៅអីដែលរថយន្ដទី១ ដឹកអ្នកដំណើរតាមផ្លូវភ្នំពេញ-ហូជីមិញ ជារបស់ក្រុមហ៊ុន ខាយណាម ត្រេនស្ពរថេស៊ិន រថយន្ដទី២ ដឹកអ្នកដំណើរតាមផ្លូវភ្នំពេញ-ហូជីមិញ ជារបស់ក្រុមហ៊ុន phone linh និងរថយន្ដទី៣ ដឹកអ្នកដំណើរតាមផ្លូវ ភ្នំពេញ-ហូជីមិញ ជារបស់ក្រុមហ៊ុន ណេស្សា ដើម្បីត្រួតពិនិត្យដោយសង្ស័យថា មានដឹកទំនិញគេចពន្ធ។
រថយន្ដទាំង៣គ្រឿងនេះត្រូវបានមន្ត្រីគយឃាត់ចាប់នៅខណៈពេលកំពុងដឹកអ្នកដំណើរនៅតាមដងផ្លូវ នាព្រឹកថ្ងៃទី២៦ មិថុនា ២០១២ ហើយត្រូវបាននាំយកទៅទុកនៅសា្នក់ការគយនិងរដ្ឋាករ សាខាខេត្ដព្រៃវែង ដើម្បីឱ្យមន្ដ្រីគយធ្វើការត្រួតពិនិត្យ ដោយជាប់សង្ស័យថា បានលួចបង្កប់ទំនិញគេចពន្ធនៅខាងក្រោមរថយន្ដ។ គិតត្រឹមវេលាម៉ោង១២ថ្ងៃត្រង់នេះ គេនៅមិនទាន់អាចដឹងបានថា ទំនិញគេចពន្ធដែលបង្កប់នៅពីក្រោមរថយន្ដទាំងនោះជាប្រភេទទំនិញអ្វីនោះទេ ព្រោះមន្ដ្រីគយមិនទាន់បានធ្វើការត្រួតពិនិត្យទំនិញនៅក្នុងរថយន្ដទេសចរណ៍ទាំងនោះនៅឡើយ ។ ប៉ុន្តែពេលនោះគយបានសម្តែងចរិតលាក់កំបាំងខ្លាំងណាស់ ព្រោះពេលអ្នកកាសែតទៅថតយកព័ត៌មាន ស្រាប់តែមន្ត្រីគយខឹងច្រឡោត តោតតូង ស្តីបន្ទោសអ្នកកាសែតប៉ាតណាប៉ាតណី ហាក់បីដូចជាខ្លាចបាត់លាភសក្ការៈយ៉ាងដូច្នេះ... តាមការពិតអ្នកកាសែតចុះផ្សាយក៏ដូចជាបង្ហាញស្នាដៃរបស់គយតែប៉ុណ្ណោះ មិនគួរបិទបាំងស្នាដៃនោះទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]