ខេត្តពោធិ៍សាត់ ៖ ស្ត្រីមេម៉ាយកូន៣ក្មេងខ្ចីម្នាក់រវល់តែទៅធ្វើកម្មករសំណង់ ដើម្បីរកប្រាក់ចិញ្ចឹមកូន ស្រាប់តែកូននៅផ្ទះនាំគ្នាលេងដែកកេះឆេះផ្ទះម៉ត់ ។ ហេតុការណ៍គ្រោះអគ្គិភ័យនេះ បានកើតឡើងកាលពីថ្ងៃទី២៣ មិថុនា ២០១២ វេលាម៉ោង១ និង៣០នាទីរសៀលស្ថិតក្នុងភូមិទួលក្រួស សង្កាត់ចំរើនផល ក្រុងពោធិ៍សាត់ ។
ប៉ូលិសមូលដ្ឋានឱ្យដឹងថា ផ្ទះដែលក្លាយជាចំណីអគ្គិភ័យនេះ មានទំហំ៣ម៉ែត្រ គុណ៤ម៉ែត្រ ធ្វើអំពីឈើប្រក់ស្លឹក ជញ្ជាំងក្តារក្រាលក្តារ ។ ម្ចាស់ផ្ទះឈ្មោះហៃ មុំ ភេទស្រីអាយុ៣១ឆ្នាំ មានកូនប្រុសស្រី៣នាក់ មុខរបរជាកម្មករសំណង់ ។ អគ្គិភ័យនេះ បានបំផ្លាញសម្ភារដែលមានក្នុងផ្ទះទាំងស្រុងដូចជាអង្ករ ខោអាវ ចានឆ្នាំង ជាដើម ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
បញ្ចូលអត្ថបទ ៖ ស្រីណា
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
