រាជធានីភ្នំពេញ ៖ សពក្មេងស្រីអាយុ៨ឆ្នាំម្នាក់ត្រូវព្រះសង្ឃវត្តចំពុះក្អែក ស្ថិតនៅក្នុងភូមិចំពុះក្អែក សង្កាត់ព្រែកថ្មី ខណ្ឌមានជ័យ ប្រទះឃើញស្លាប់អណ្តែតទឹកអាងតូចមួយកន្លែងស្ថិតក្នុងបរិវេណវត្តចំពុះក្អែក កាលពីល្ងាចថ្ងៃទី៥ កុម្ភៈ ២០១២ ។
សពក្មេងស្រីដែលបានប្រទះឃើញខាងលើនេះឈ្មោះគង់ រាស៊ីសត្យា អាយុ៨ឆ្នាំ មានទីលំនៅផ្ទះលេខ១១២ ផ្លូវលេខ១៧៣ សង្កាត់ទួលស្វាយព្រៃទី១ ខណ្ឌចំការមន ។ ក្មេងស្រីរូបនេះត្រូវក្រុមឧក្រិដ្ឋជនចាប់ជំរិតតាំងពីល្ងាចថ្ងៃសៅរ៍ ទី៣ កុម្ភៈ ខណៈពេលកុមារីរងគ្រោះចេញពីសាលារៀនឯកជនមួយមិនទាន់ដឹងថា ជាសាលាឈ្មោះអ្វីច្បាស់លាស់នៅឡើយ ។ ប៉ុន្តែប្រភពព័ត៌មានបានបញ្ជាក់ថា ការចាប់ក្មេងស្រីនេះត្រូវក្រុមឧក្រិដ្ឋជនទូរស័ព្ទមកគំរាមឪពុកម្តាយទារលុយ៣.៥០០ដុល្លារ ជាថ្នូរនៃការដោះដូរក្មេងស្រីមកវិញ ។
ចំពោះការចរចាគ្នាអំពីទឹកប្រាក់នេះឪពុកម្តាយក្មេងស្រីបានប្រគល់ឱ្យក្រុមឧក្រិដ្ឋជនតាមការណាត់គ្នាអស់ចំនួន៣.៥០០ដុល្លារ ហើយតែនៅមិនឃើញក្រុមឧក្រិដ្ឋជនដោះលែងកូនស្រីមកវិញទៀត ។ លុះដល់ល្ងាចថ្ងៃទី៥ កុម្ភៈ ទើបមានដំណឹងថា បានប្រទះឃើញក្មេងស្រីស្លាប់អណ្តែតទឹកអាងនៅវត្តចំពុះក្អែក ទើបអាណាព្យាបាលទៅពិនិត្យមើលហើយឃើញសពកូនស្រីស្លាប់យ៉ាងអាណោចអាធ័មបំផុត ។ តាមការសន្និដ្ឋានជាជំហានដំបូងបញ្ជាក់ថា ក្មេងស្រីខាងលើនេះត្រូវគេសម្លាប់ដោយជ្រមុជទឹកអាងតូចមួយស្ថិតនៅក្នុងបរិវេណវត្តចំពុះក្អែកឪ៕
ដកស្រង់ពី គេហទំព័រ កោះសន្តិភាព
Khmerload ឃើញរូបភាពនេះ មានកំហឹងយ់ាងខ្លាំង ជាមួយពួកចាប់ជំរិត សូមអោយកម្មពារ មកដល់ពួកនោះឆាប់ៗ។ សូមជួយរំលែកទុក ដល់គ្រួសារសព។ បងប្អូនមានក្មេងតូចៗ រៀនសាលាឯកជនគួរបង្កើនការប្រុងប្រយ័ត្ន។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
