ខេត្ត​តាកែវ ៖ ជន​សង្ស័យ​​៣​នាក់​ក្នុង​​ចំណោម​បក្ស​ពួក​៥​នាក់​ត្រូវ​បាន​ប៉ូលិស​ស្រុក​គិរី​វង់ ស្រាវជ្រាវ​​​ឃាត់​ខ្លួន​បាន​ជា​បន្ត​បន្ទាប់​​យោង​​តាម​ពាក្យ​បណ្តឹង​​លោក​តា​រង​គ្រោះ​ដែល​ចោទ​ពី​បទ​​​ធ្វើ​សកម្ម​ភាព​​ចូល​ទៅ​លួច​មាន់​ ហើយ​វាយ​តា​​ជា​ម្ចាស់​មាន់​ឱ្យ​​រងរបួស​ធ្ងន់​ ខណៈ​ពេល​ដែល​​លោក​តា​ដេក​ចាំ​មាន់​តែ​ម្នាក់​ឯង​នៅក្នុង​រោង​មាន់​ហើយ​​ជន​សង្ស័យ​​ចូល​ទៅ​ចាប់​មាន់​​តែ​ត្រូវ​លោក​តា​ឃើញ​ទាន់​ជន​សង្ស័យ​​ខ្លាច​បែក​ការណ៍ ក៏វាយ​លោក​តា​ឱ្យ​របួស​រួច​ចូល​ចាប់​មាន់​យក​ទៅ​ធ្វើ​ម្ហូប​ក្លែម​ស្រា​ទាំង​យប់ ។

​ហេតុការណ៍​ក្រុម​ចោរ​​ចូល​ទៅ​លួច​ចាប់​មាន់​នេះ​​​បាន​កើតឡើ​ង​​កាលពី​ថ្ងៃទី ២២ មិថុនា ២០១២ ​វេលា​ម៉ោង៨​និង​៣០​នាទី​យប់​ នៅ​ចំណុច​ទួល​ក្រសាំង​ ភូមិ​ត្រពាំង​ស្រង់ ឃុំ​ព្រះ​បាទ​ជាន់​ជុំ ស្រុក​គិរី​វង់ ខេត្ត​តាកែវ ។

ព័ត៌​មាន​លំអិត​នឹ​ង​​ផ្សាយជូន​នៅពេល​ក្រោយ ​នៅ​លើ​ទំព័រកាសែតកោះ​​​សន្តិ​​ភាព និង​​នៅ​​តាម​វិទ្យុ​សំឡេង​កោះ​សន្តិ​ភាព FM 87.75 រាជធានី​ភ្នំពេញ, FM 87.5 ខេត្តបាត់ដំបង៕

បញ្ចូលអត្ថបទ ៖ បុប្ផា កោះ

ផ្តល់សិទ្ធដោយ កោះសន្តិភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]