រាជធានីភ្នំពេញ ៖ បុរសម្នាក់បានភ័យព្រលឹងចុងសក់នៅពេលមានជម្លោះជាមួយបុរស ម្នាក់ទៀតនៅក្នុងហាងផឹកស៊ីមួយកន្លែង ព្រោះតែរឿងដណ្តើមស្រីស្អាតអង្គុយកំដរ ហើយត្រូវបានគេចាប់ក្របួច.កអាវចេញពីក្នុងហាងដោយភ្ជង់ កាំភ្លើង ហើយកុំតែបុរសរងគ្រោះរើបម្រាស់រត់រួច ម៉្លេះត្រូវគ្រាប់កាំភ្លើងក្ស័យជីវិតទៅហើយ។ ហេតុការណ៍គួរឱ្យញាក់សាច់នេះបានកើតឡើងកាលពីវេលាម៉ោង១១និង ៣០នាទីយប់ថ្ងៃទី២២ មិថុនា ២០១២ នៅមុខភោជនីយដ្ឋានពីរ៉ាមីត តាមបណ្តោយផ្លូវលេខ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ ។
តាមសាក្សីនៅកន្លែងកើតហេតុបានឱ្យដឹងថាមូល ហេតុដែលនាំឱ្យជនដៃដល់បាញ់សំដៅជនរងគ្រោះគឺដោយសារតែជន រងគ្រោះ និងជនល្មើសបានផឹកស៊ីនៅក្នុងហាងពីរ៉ាមីត ហើយអង្គុយតុក៏មិនឆ្ងាយពីគ្នា និងបានព្យាយាមហៅស្រីស្អាតបម្រើការងារនៅក្នុងហាងនេះឱ្យមក អង្គុយកំដរផឹកស៊ី ពោលគឺប្រទាញប្រទង់គ្នាវិញ ទៅមក។ ស្រីស្អាតម្នាក់នោះម្តងទៅអង្គុយក្បែរជនដៃដល់ម្តងទៅអង្គុយ ក្បែរជនរងគ្រោះ ក៏បណ្តាលឱ្យផ្ទុះជម្លោះ និងផ្ទុះអាវុធតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]