ខេត្តពោធិ៍សាត់ ៖ ទោះបីជាដឹងថា ការចាប់រំលោភសេពសន្ថវៈជាបទឧក្រិដ្ឋ ដែលច្បាប់មិនអាចអត់ឱនទោសឱ្យបានក៏ដោយ ក៏ករណីនេះនៅតែកើតមានឥតឈប់ឈរ និងមានគ្រប់រូបភាព ដូចជា ឪពុករំលោភកូនខ្លួនឯងបង្កើត រំលោភកូនចុង កូនរំលោភម្តាយ ឬតាចាស់ជិតចូលរណ្តៅរំលោភចៅជាដើម ។ ជាក់ស្តែង បុរសម្នាក់បានត្រូវសមត្ថកិច្ចចាប់ខ្លួនពីបទចាប់រំលោភកូនដើម ខណៈពេលម្តាយមិននៅផ្ទះ ។ ករណីរំលោភសេពសន្ថវៈនេះ បានកើតឡើងកាលពីថ្ងៃទី២៣ មិថុនា វេលាម៉ោង១រសៀល នៅសង្កាត់រលាប ក្រុងពោធិ៍សាត់ ។
លោកអនុសេនីយ៍ទោ ឡែក គឹមឈាង នាយប៉ុស្តិ៍រដ្ឋបាលរលាប ឱ្យដឹងថា ជនសង្ស័យ ឈ្មោះ ជុំ មាន អាយុ៤៨ឆ្នាំ ឯក្មេងស្រីរងគ្រោះ ជាកូនដើមនោះមានអាយុ១៤ឆ្នាំ ។ ជនឈ្មោះ ជុំ មាន បានត្រូវឃាត់ខ្លួននៅថ្ងៃកើតហេតុ យោងតាមពាក្យបណ្តឹងរបស់ស្រ្តីជាម្តាយ ។
នៅចំពោះមុខ សមត្ថកិច្ច ឪពុកចុងចិត្តអប្រិយរូបនេះបានសារភាពថា ខ្លួនពិតជាបានចាប់កូនដើមរំលោភរហូតបានសម្រេចមែន ។ កាលពីមុនខ្លួនជាបុរសពោះម៉ាយ និងបានគ្នាជាប្តីប្រពន្ធជាមួយម្តាយក្មេងស្រីនេះរយៈេពល៧ឆ្នាំ មកហើយ តែពុំមានកូនទេ ។ ខ្លួនមានមុខរបរជាអ្នករត់ម៉ូតូឌុប ឯប្រពន្ធជាអ្នកលក់ផ្លែឈើនៅផ្សារ ។ កន្លងមក ខ្លួនធ្លាប់លួងលោមកូនដើមបម្រុងរំលោភចំនួន៣លើកមកហើយ ប៉ុន្តែមិនបានសម្រេចបំណងទេ ព្រោះថាខណៈពេលមានបំណងរំលោភក៏មានគេដើរចូលមក ។ ដោយឡែក នៅថ្ងៃទី២៣ មិថុនា នោះ ប្រពន្ធរវល់ទៅទិញផ្លែឈើនៅឯខេត្តបាត់ដំបង ហើយខ្លួននិងកូនស្រីដើមនៅផ្ទះ ។ ពេលហូបបាយថ្ងៃត្រង់រួច កូនស្រីដើមឡើងដេកលើផ្ទះម្នាក់ឯង ឃើញឱកាសស្ងាត់ល្អខ្លួនក៏ឡើងទៅដេកជាមួយហើយចាប់រំលោភរហូតបាន សម្រេច ។ បន្ទាប់មកខ្លួនធ្វើធម្មតាព្រោះនឹកស្មានថាមិនអី លុះពេលល្ងាចប្រពន្ធត្រឡប់មកពីទិញផ្លែឈើនៅឯខេត្តបាត់ ដំបងវិញ ប្រហែលជាកូនស្រីនិយាយប្រាប់រឿងនេះ ក៏ត្រូវសមត្ថកិច្ចមកឃាត់ខ្លួនតែម្តង ។
ជនសង្ស័យជាឪពុកចុង ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្ត នារសៀលថ្ងៃទី២៤ មិថុនា ដើម្បីផ្តន្ទាទោសតាមច្បាប់ ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
