ខេត្តបាត់ដំបង ៖ យុវជនម្នាក់បានត្រូវសមត្ថកិច្ចឃាត់ខ្លួន ក្រោយពីមានការចោទប្រកាន់ថា បានចាប់បង្ខំរំលោភស្ត្រីមេម៉ាយកូន២ម្នាក់ តែរួមរ័កមិនទាន់ដល់ត្រើយផង ព្រោះតែនាងស្រែកក៏បង្ខំចិត្តរត់ ហើយដោយសារកំហឹង ជននេះក៏បានលបមកដុតផ្ទះនាងចោលទៀត។ មន្ត្រីសមត្ថកិច្ចប្រាប់ថា ករណីនេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី២១ មិថុនា នៅក្នុងឃុំអំពិលប្រាំដើម ស្រុកបវេល ។
មន្ត្រីនគរបាលស្រុកបវេលបានឱ្យដឹងថា យុវជនរូបនេះឈ្មោះ រឹត គឹមហួន ហៅក្រឹម អាយុ២៤ឆ្នាំ រីឯស្ត្រីមេម៉ាយនោះ អាយុ៣៦ឆ្នាំ ហើយជនសង្ស័យត្រូវបានចាប់ខ្លួនក្រោយមួយថ្ងៃបន្ទាប់ពីកើតហេតុ ។ ទោះជាយ៉ាងណា តាមការសួរនាំភាគីទាំង២ធ្លាប់តែស្រុះស្រួលគ្នា ឡើងឋានសួគ៌ច្រើនដងមកហើយនាពេលកន្លងមក តែលើកនេះបែរជាស្ត្រីមេម៉ាយម្នាក់នេះប្តឹងចោទថា ចាប់រំលោភ ហើយព្យាយាមដុតបំផ្លាញខ្ទមគាត់ចោលទៀត ។
តាមការស្រង់សម្តីពីសមត្ថកិច្ច ស្ត្រីមេម៉ាយកូន២រូបនោះនិយាយថា ជននេះបានលបចូលទៅចាប់រំលោភគាត់ដល់ក្នុងផ្ទះ ខណៈដែលគាត់កំពុងដេកលក់ជាមួយកូន ។ ពេលចាប់រំលោភនោះគាត់ក៏ស្រែកឱ្យគេជួយទាំងយប់ ហើយជននេះបានព្យាយាមតោងឡើងលោតចេញតាមដំបូលផ្ទះរបស់គាត់ដែល ធ្លុះធ្លាយមើលឃើញមេឃ ។ ស្ត្រីមេម៉ាយរូបនេះបានសារភាពប្រាប់សមត្ថកិច្ចដែរថា កន្លងមករូបគាត់ និងយុវជនម្នាក់នេះធ្លាប់ពាក់ព័ន្ធរឿងស្នេហាជាមួយគ្នាមែន តែបែកគ្នាយូរដែរហើយ លុះនៅយប់កើតហេតុស្រាប់តែលបមកចាប់រំលោភគាត់ មិនតែប៉ុណ្ណោះក្រោយពីរត់បាត់បន្តិច ក៏លបចូលមកដុតផ្ទះគាត់ចោលទៀត តែសំណាងល្អបានអ្នកភូមិជួយទាន់ កុំអីត្រូវឆេះហ្មត់។
ផ្ទុយពីការបំភ្លឺរបស់ស្ត្រីមេម៉ាយខាងលើ យុវជនត្រូវចោទឈ្មោះ រឹត គឹមហួន ហៅក្រឹម និយាយថា ខ្លួននិងអ្នកមេម៉ាយវ័យ៣៦ឆ្នាំនោះបានស្រឡាញ់គ្នាតាំងពីអំឡុង ថ្ងៃចូលឆ្នាំខ្មែរឆ្នាំ២០១១មកម៉្លេះ ទើបតែមួយរយៈចុងក្រោយនេះ ពួកគេបានបែកគ្នាវិញ ប៉ុន្តែមិនតិចជាង១០ដងទេ ដែលពួកខ្លួនបានបបួលគ្នាឡើងឋានសួគ៌។ នៅយប់កើតហេតុខ្លួនស្រវឹងដើរមកពីផ្ទះមិត្តភក្តិក៏នឹកឃើញ ចង់ជួបអ្នកមេម៉ាយនិយាយពីរឿងរ៉ាវកន្លងមក និងចង់រួមមេត្រីផង ព្រោះបែកគ្នាយូរដែរហើយ ។ ជននេះនិយាយថា ខ្លួនបានហៅអ្នកមេម៉ាយឱ្យបើកទ្វារ ហើយគាត់ងើបបើកទ្វាររួចខ្លួនក៏ឡើងទៅ ដោយនិយាយប្រាប់ឱ្យគាត់ជួយកោសខ្យល់ឱ្យព្រោះខ្លួនស្រវឹង ។ គ្រានោះគាត់ក៏ព្រមកោសខ្យល់ឱ្យ ហើយដោយមានអារម្មណ៍ចង់រួមមេត្រីខ្លួនក៏ចាប់ផ្តើមភ្លាមៗតែម្តង ឯគាត់ក៏មិនប្រកែកដែរ ។ លុះបានបន្តិច មិនដឹងជាយ៉ាងម៉េចស្រាប់តែគាត់ស្រែកថា ខ្លួនចាប់រំលោភធ្វើឱ្យផ្អើលអ្នកភូមិទាំងកណ្តាលយប់ ។ ស្ថិតក្នុងគ្រាអាសន្នបែបនេះ ខ្លួនក៏ស្ទុះទៅតោងឡើងតាមដំបូលដែលធ្លុះធ្លាយនោះតែម្តង ព្រោះលឿនជាងរត់ចេញតាមទ្វារ ។ ដោយក្តៅក្រហាយនឹងអ្នកមេម៉ាយនោះស្រែករំខានបែបនេះ ក្រោយពីសភាពការណ៍ស្ងប់ស្ងាត់បន្តិច ខ្លួនក៏លបមកដុតផ្ទះគាត់ចោល ។ ការពិតខ្លួនមិនបានចាប់គាត់រំលោភទេ គឺជាការព្រមព្រៀងគ្នាដូចសព្វដង ។
មន្ត្រីជំនាញនិយាយថា តាមការបំភ្លឺពីភាគីទាំង២ថា មូលហេតុដែលស្រ្តីមេម៉ាយនោះស្រែកដោយសារពេលកំពុងរួមរ័កមានការ ប៉ះពាក្យសម្តីគ្នា ។ តាមចម្លើយថា គ្រានោះពួកគេនិយាយគ្នាពីរឿងមានកូន ដែលពីដំបូងខាងប្រុសថាទទួលខុសត្រូវ លុះបន្តិចក្រោយមកបែរជានិយាយថា ខ្លួនមិនចង់ទទួលខុសត្រូវទេ ទើបមានការប្រទូស្តរ៉ាយគ្នាតែម្តងទៅ ។ ទោះបីជាបែបណា ជនត្រូវចោទត្រូវបានបញ្ជូនទៅតុលាការហើយ ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
