កម្ពុជា៖ កាលពីព្រឹកមិញនេះ ខ្មែរឡូតបាន ធ្វើការចុះផ្សាយ អត្ថបទមួយដែល និយាយអំពី កីឡាការនីកម្ពុជា ត្រូវបានដកសិទ្ធិចេញពី អាស៊ីហ្គេម (Asian Games) ព្រោះតែការ ប្រើប្រាស់ សារធាតុលើកកម្លាំង ដែលជាសារធាតុ ហាមឃាត់។
ក្រោយពីមានការ ចុះផ្សាយពីបណ្តាសារព័ត៌មាន មួយចំនួន រួចមក គណៈកម្មាធិការជាតិ អូឡាំពិកកម្ពុជា ក៏បានចេញមុខ បដិសេធទៅលើ ដំណឹងមួយនេះ ដោយខ្លួនបានចេញ សេចក្តីថ្លែងការណ៍មួយ នៅលើទំព័រហ្វេសប៊ុក របស់ខ្លួន ដោយបាន អះអាងថា៖
«គណៈកម្មាធិការ ជាតិអូឡាំពិកកម្ពុជា សូមប្រកាសជូន ជាសាធារណៈថា៖ គណៈកម្មាធិការជាតិ អូឡាំពិកកម្ពុជា មានការសោកស្តាយចំពោះ ករណីប៉ះពាល់សារធាតុ ហាមឃាត់សារធាតុលើក កម្លាំងរបស់កីឡាការិនី Soft Tennis កម្ពុជា ដែលគណៈកម្មាធិការ វេជ្ជសាស្រ្ត នៃក្រុមប្រឹក្សា អូឡាំពិកអាស៊ី បានរកឃើញថា កីឡាការិនីរូបនេះ ប្រើសារជាតិម្យ៉ាងដើម្បី សម្រកទម្ងន់ ដោយមិនដឹងខ្លួន មុនពេលមកដល់ប្រទេសកូរ៉េ ប៉ន្តែគ្មានគោលបំណង បំប៉នកម្លាំង ថាមពល ដើម្បីយកប្រៀប ក្នុងការប្រកួតកីឡា នោះទេ ពីព្រោះ Soft Tennis មិនមែនប្រភេទកីឡា ប្រើទម្ងន់ទេ។ ដូចនេះគណកម្មាធិការ ជាតិអួឡាំពិកកម្ពុជា ចាត់ទុកជាសកម្មភាព អចេតនា គួរអោយសោកស្តាយ។»
«សូមបញ្ជាក់ម្តងទៀតថា កីឡាការិនីរូបនេះមិនបាន ប្រើសារធាតុគ្រឿនញៀន ដូចសារព័ត៌មាន មួយចំនួនចុះផ្សាយនោះទេ។ ដូចព័ត៌មាន Olympic Council of Asia បញ្ចាក់ថា ជាសារធាតុ S6b Sibutramine, a Specified Stimulant ជាប្រភេទ Vitamin ម្យ៉ាងតែប៉ុណ្ណោះ។សូមអគុណ និងសូមបង្វែរ មកជួយលើកទឹកចិត្ត កីឡាករ.ការិនី កម្ពុជាដែលកំពុង តស៊ូប្រកួតប្រជែងឡើងវិញ។»
រូបរបស់កីឡាការនី យី សុផានី
ប្រភព៖ ហ្វេសប៊ុក
ដោយ៖ សុជាតិ
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
