យោងទៅតាមប្រភពព័ត៌មានពីគេហទំព័រសិល្បៈហូលីវូដ ចេញផ្សាយកាលពីថ្ងៃពុធទី២០ មិថុនា ឆ្នាំ២០១២ បានឱ្យដឹងថា តារាទូរទស្សន៍គឹមកាដាសៀន បានសារភាពប្រាប់ទស្សនិកជនដោយត្រង់ៗក្នុងកិច្ចសម្ភាសជាមួយទូរទស្សន៍ដែលរៀបចំឡើងដោយពិធីការិនី Oprah Winfrey ថា នាងបានបាត់បង់ព្រហ្មចារីយ៍តាំងពីនាងមានអាយុត្រឹមតែ១៤ឆ្នាំមកម៉្លេះ ។
តារាទូរទស្សន៍ដែលមានរាងសិចស៊ីដូចនាឡិកាខ្សាច់បាននិយាយថា នៅពេលដែលខ្ញុំរួមភេទលើកដំបូងគឺខ្ញុំមានអាយុជិត១៥ឆ្នាំ។ នាងបានបន្តទៀតថា ខ្ញុំបានប្រគល់ព្រហ្មចារីយ៍ឱ្យមិត្តប្រុសរបស់ខ្ញុំអស់រយៈពេល២ឆ្នាំដោយគ្មានការសោកស្តាយអ្វីនោះទេ។
ទាក់ទិនទៅនឹងការលេចធ្លាយខ្សែអាត់វីដេអូសិចរបស់នាងកាលពីឆ្នាំ២០០៧ វិញ នាងបាននិយាយថា ដោយសារតែខ្សែអាត់នោះ ទើបធ្វើឱ្យខ្ញុំកាន់តែល្បី ។ នាងបាននិយាយបែបកំប្លែងលេងសើចថា ប្រសិនបើខ្ញុំដឹងថា ខ្សែអាត់វីដេអូនេះលេចធ្លាយនោះខ្ញុំនឹងធ្វើឱ្យបានល្អជាងនេះ ។
គួររំលឹកដែរថា នាងគឹមកាដាសៀន ធ្លាប់បានរៀបការជាផ្លូវការម្តងរួចមកហើយជាមួយតារាបាល់បោះ Kris Humpries ក៏ប៉ុន្តែចំណងអាពាហ៍ពិពាហ៍របស់នាងបានត្រឹម៧២ថ្ងៃប៉ុណ្ណោះ។ បច្ចុប្បន្ននេះនាងកំពុងទាក់ទងជាមួយមិត្តប្រុស២នាក់ទៀត គឺលោក Kanye West ជាតន្ត្រីករ និងជាអ្នកដឹកនាំរឿង និងអ្នកចម្រៀងរ៉េប តែនាងពុំបានបង្ហាញឈ្មោះឱ្យស្គាល់នោះទេ៕
ផ្តល់សិទ្ធដោយ កោះសន្តិភាព
បញ្ចូលអត្ថបទ ៖ ស្រីណា
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
