រាជធានីភ្នំពេញ ៖ រថយន្ដយីឌុបបើកទៅជល់រថយន្ដប្រាដូ ដោយសារតែការបើកបរមិនចេះយោគយល់គ្នានិងមិនអនុគ្រោះឱ្យគ្នាទៅវិញទៅមកត្រង់កន្លែងផ្លូវចង្អៀត ។ ហេតុការណ៍នេះកើតឡើងនៅមុខយានដ្ឋានជួលជុលរថយន្ដហួត ដានី លើកំណាត់ផ្លូវសុធារស ភូមិ៨ សង្កាត់ទន្លេបាសាក់ ខណ្ឌចំការមន កាលពីវេលាម៉ោង៨និង១០នាទីយប់ ថ្ងៃទី៤ កុម្ភៈ ។
សាក្សីឃើញហេតុការណ៍បានឱ្យដឹងថា រថយន្ដប្រាដូ ពណ៌ខ្មៅ បើកបរតាមផ្លូវសុធារស ពីជើងទៅត្បូង ចំណែករថយន្ដយីឌុប ពណ៌សលាយលឿងបើកពីស្ពានកោះពេជ្របត់ទៅត្បូង លុះទៅដល់ចំណុចកើតហេតុ ដោយសារមានអ្នកស្រវឹងស្រាជិះម៉ូតូដួលខ្លួនឯងធ្វើឱ្យមនុស្សម្នាចោមរោមមើលកកស្ទះចរាចរណ៍។ ពេលនោះ រថយន្ដទាំងពីរកំពុងបើកសន្សឹមៗទៅមុខ តែមិនយោគយល់គ្នាធ្វើឱ្យរថយន្ដយីឌុប បើកទៅប៉ះគូទរថយន្ដប្រាដូ កូត ថ្នាំចំហៀងទ្វារក្រោយខាងឆ្វេង ។ ភាគីទាំងពីរក៏ឈប់រថយន្តបម្រុងចុះទៅនិយាយគ្នា ដោយមានសមត្ថកិច្ចចូលរួមធ្វើអន្ដរាគមន៍ផងដែរ ប៉ុន្ដែពេលដែលភាគីទាំងពីរបើកទ្វាររថយន្ដចុះ ស្រាប់តែពួកគេស្គាល់គ្នាដើរទៅចាប់ដៃស្វាគមន៍គ្នា ហើយធ្វើការដោះស្រាយគ្នាដោយស្ងាត់ៗនៅកន្លែងកើតហេតុតែម្ដង ។
នេះបើកុំតែស្គាល់គ្នាម៉្លេះ សមជជែកគ្នាតឹងសរសៃ.កបង្កការកកស្ទះចរាចរណ៍រំខានដល់អ្នកធ្វើដំណើរដទៃទៀតមិនខានឡើយ៕
ដោយប្រុសកោះ
ដកស្រង់ពីគេហទំព័រ កោះសន្តិភាព
សូមប្រិយមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
