ការរៀនភាសាជាពិសេសភាសាចិន មិនមែនជាការងាយស្រួលនោះទេ វាទាមទារភាពអំណត់ និង យកចិត្តទុកដាក់រៀនជាប្រចាំ ។ ហេតុដូច្នេះហើយ មានសាលាភាសាចិន អនឡាញ មួយដែលមានឈ្មោះ Sexymadarin បានបង្កើត កម្មវិធីចម្លែកមួយដោយប្រើស្រីបង្ហាញម៉ូត ស្លៀកខ្លីៗបញ្ចេញសាច់ ក្នុងវីដេអូបង្រៀនរបស់គេ ។
ភាសាចិន Mandarin កំពុងក្លាយជាភាសាដ៏សំខាន់មួយ ក្នុងពិភពលោកដែលមានប្រជាជន ១ ពាន់ ៥០០ លាននាក់ប្រើប្រាស់ជុំវិញពិភពលោក ហើយ ប្រទេសចិន ក៏ជាប្រទេសមហាអំណាចក្នុងផ្នែកសេដ្ឋកិច្ច ដែលបង្កឲ្យមនុស្សជាច្រើនចង់ចេះភាសាចិន។ ដើម្បីទាក់ទាញអ្នកសិក្សា សាលាSexymadarin បានជួលអ្នកបង្ហាញម៉ូតស្លៀកខ្លី និង សម្ដែងឈុតសិចស៊ីក្នុងវីដេអូបង្រៀន របស់ខ្លួន។ នារីៗក្នុងវីដេអូទាំងនោះ ត្រូវមានបទពិសោធន៍ខ្ពស់ខាងបង្ហាញម៉ូត និង បង្រៀនភាសាចិនផងដែរ។
ម្ចាស់សាលាអនឡាញគឺកញ្ញា Kaoru Kikuchi (សូមមើលរូបនាងខាងក្រោមបង្អស់) ដែលជាសិស្សខាងស្ថាបត្យកម្ម នៅសាកលវិទ្យាល័យ Nottingham នៅប្រទេសអង់គ្លេស បានប្រាប់ថាការប្រើស្រីសិចស៊ីក្នុងវីដេអូមេរៀន ជាវិធីល្អក្នុងការជំរុញ និង លើកទឹកចិត្តដល់អ្នករៀន។ លោក Gleissner មកពីហុងកុង ជាអ្នកដឹកនាំភាពយន្ត គឺជាអ្នកដឹកនាំផលិតវីដេអូទាំងនោះ ។ Sexymadarin កំពុងទទួលការចាប់អារម្មណ៍យ៉ាងខ្លាំង ពីសំណាក់អ្នកជំនួញ ព្រោះថានេះជាគំនិតចម្លែកមួយដោយ យកភាពសិចស៊ី និង ការអប់រំមកច្របល់ចូលគ្នា។
តើប្រិយមិត្តមានមតិយ៉ាងណាដល់ ការបង្រៀនអនឡាញបែបនេះ? សូមមើលរូប និង វីដេអូមេរៀន។
រូបខាងក្រោមជាម្ចាស់សាលា Kaoru Kikuchi ដែលជាអ្នកបង្ហាញម៉ូតផងដែរ។
ដោយ វីន
Khmerload
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]