ក្មេងស្រីអាយុ ១២ ឆ្នាំម្នាក់ត្រូវបានម្តាយរបស់នាង យកទៅលក់ ហើយត្រូវបានបុរសដែល ជាអ្នកទិញនោះ ធ្វើទារុណកម្មផ្លូវភេទយ៉ាងខ្លាំង ប៉ុន្តែទំរាំតែបែកការណ៍ដឹង រឿងពិតនោះ គឺយឺតពេលទៅហើយ ដោយសារតែម្តាយលក់នាងតាំងពី អាយុ ១២ ឆ្នាំ រហូតមកដល់ នាងអាយុ ១៣ ឆ្នាំទើបដឹងរឿង។
តាមប្រភពព័ត៌មានចិន បានអោយដឹងថា ក្មេងស្រីដែលត្រូវបានម្តាយលក់នោះមានឈ្មោះថា Jiajia រីឯម្តាយរបស់គេ មានឈ្មោះថា Cai គាត់បានរៀបការប្តីទី ១ របស់គាត់នៅអាយុ ១៥ ឆ្នាំមានកូនទី ១ ឈ្មោះ Jiajia ដែលជាជនរងគ្រោះ ហើយគាត់បានយកនាងទៅអោយ ពូរបស់នាងដែលជាជនពិការមានឈ្មោះថា Luo ចិញ្ចឹម ដោយគាត់បានប្រាប់ពូរបស់នាងថា គាត់គ្មានសមត្ថភាពចិញ្ចឹមនោះទេ។ រហូតមកដល់នាងមានអាយុ ១២ ឆ្នាំ អ្នកស្រី Cai ក៏មកយក Jiajia ពីលោក Luo ដែលត្រូវជាពូរបស់នាងវិញដោយប្រាប់ថា គាត់ចង់អោយនាងទៅធ្វើការនៅភោជនិយដ្ឋាន។ គួរបញ្ជាក់ផងដែរថា ពេលនោះអ្នកស្រី Cai បានយកប្តីមួយទៀតនិង មានកូនប្រុសម្នាក់ទៀតបាត់ទៅហើយ។ បន្ទាប់ពីលោក Luo បាត់ដំណឹងរបស់ក្មួយស្រីគាត់ យូរពេកទើបគាត់ដាច់ចិត្តជីកសួរអ្នកស្រី Cai ជាច្រើនលើកច្រើនសារ ទើបអ្នកស្រី Cai ធ្លោយមាត់និយាយថា គាត់បានលក់ Jiajia ទៅអោយបុរសចំនាស់ម្នាក់ ក្នុងតំលៃ ៣ ៥០០ យាន់ (ប្រហែល ៥៥០ ដុល្លាអាមេរិច)។ គ្រាន់តែលឺដូច្នេះលោក Luo បានផ្តល់ដំណឹងទៅប៉ូលិសដើម្បីធ្វើការឃាត់ខ្លួន ម្តាយរបស់ Jiajia រួចឈានទៅឃាត់ បុរសចំនាស់ដែលជាអ្នកទិញ Jiajia ភ្លាម។ តែគួរអោយស្តាយ Jiajia ត្រូវបានបុរសចំនាស់នោះធ្វើទារុណកម្ម ផ្លូវភេទ អស់រយៈពេលមួយឆ្នាំបាត់ទៅហើយ។
ដោយ ៖ អម្រិត
ខ្មែរឡូត
សូមប្រិយមិត្តជួយចុច add comment ដើម្បីបញ្ចេញមតិ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]