ខេត្តតាកែវ ៖ ក្រុមចោរកាច់សោ.កម៉ូតូចំនួន២នាក់ក្នុងចំណោមបក្សពួក៣នាក់ ត្រូវបានប៉ូលិសស្រុកបាទី ចាប់ខ្លួនបញ្ជូនទៅស្នងការដ្ឋាននគរបាលខេត្តដើម្បីចាត់ការបន្ត ខណៈពួកគេបានជិះម៉ូតូ១គ្រឿងទៅធ្វើសកម្មភាពកាច់សោ.កម៉ូតូ១ គ្រឿងទៀតដែលម្ចាស់បញ្ឈរទុកនៅចិញ្ចើមផ្លូវ ហើយចុះទៅមើលកូនកំពុងភ្ជួរស្រែ តែក្រោយពីយកម៉ូតូបានហើយក្រុមជនល្មើសជិះរត់ហើយឈប់តាមផ្លូវ ដើម្បីដោះស្លាកលេខចោលក៏ត្រូវប៉ូលិសក្របួចជាប់តែម្តង ។
ហេតុការណ៍នេះបានកើតឡើងកាលពីវេលាម៉ោង៣ និង៣០នាទីរសៀលថ្ងៃទី១៥ មិថុនា ស្ថិតនៅភូមិក្រសាំង ឃុំកណ្តឹង ស្រុកបាទី ខេត្តតាកែវ ។ ជនសង្ស័យ២នាក់នេះមានឈ្មោះសាក់ សុខគុន ភេទប្រុស អាយុ២៤ឆ្នាំ រស់នៅភូមិជ្រោយថ្ម ឃុំបឹងកុក ក្រុងកំពង់ចាម និងឈ្មោះប៊ូ ភក្តិ ភេទប្រុស អាយុ២១ឆ្នាំ រស់នៅភូមិសង្គ្រោះ ឃុំស្វាយភ្លោះ ស្រុកពាមជរ ខេត្តព្រៃវែង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
