រាជធានីភ្នំពេញ ៖ បុរសម្នាក់ដោយសារតែស្រវឹងជោកជាំខ្លាំងពេកមិនអាចបើករថយន្ត ទៅមុខបាន ក៏ចតរថយន្តចំពាក់កណ្តាលទ្រូងផ្លូវ រួចដេកលក់តែម្តង ។ ហេតុការណ៍នេះកើតឡើងកាលពីវេលាម៉ោង២និង៤០នាទីរំលងអធ្រាត្រ ឈានចូលថ្ងៃទី១៧ មិថុនា ២០១២ នៅតាមបណ្តោយផ្លូវព្រះសីហនុ សង្កាត់បឹងរាំង ខណ្ឌដូនពេញ។
ប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុគេឃើញបុរសម្នាក់បើករថយន្តម៉ាកកូរ៉ូឡា របស់ក្រុមហ៊ុនមួយតាមបណ្តោយផ្លូវព្រះសីហនុ ពីកើតទៅលិច ។ លុះមកដល់ចំណុចកើតហេតុ ស្រាប់តែឈប់រថយន្តចតលើទ្រូងផ្លូវដេកលក់យ៉ាងស្កប់ស្កល់ ក្នុងស្ថានភាពស្រវឹងជោកជាំ ហើយដោយមានអ្នកធ្វើដំណើរឆ្លងកាត់បានឃើញក៏ផ្អើលឆោឡោ ។ ភ្លាមៗប៉ូលិសចរាចរខណ្ឌដូនពេញ បានជួយអន្តរាគមន៍ក៏ដឹងខ្លួនហើយបើករថយន្តទៅចតនៅចិញ្ចើមផ្លូវ ប្រមាណ១០នាទីក៏បន្តដំណើរទៅមុខទៀត ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
