រាជធានីភ្នំពេញ ៖ យុវជនម្នាក់ត្រូវបានក្រុមចោរវាយយកទូរស័ព្ទដៃ១គ្រឿង និងនាឡិកាដៃ១គ្រឿងថែមទៀត ខណៈពេលដែលកំពុងអង្គុយលេងជាមួយមិត្តភក្តិ២នាក់ មានស្រីមានប្រុសនៅក្រោមស្ពានអាកាសក្បាលថ្នល់ ក្នុងសង្កាត់ចាក់អង្រែលើ ខណ្ឌមានជ័យ កាលពីវេលាម៉ោង១១យប់ថ្ងៃទី១៣ មិថុនា ២០១២ ។
យុវជនរងគ្រោះឈ្មោះហ៊ីង ទូច អាយុ២៥ឆ្នាំ ស្នាក់នៅសង្កាត់ចាក់អង្រែលើ ខណ្ឌមានជ័យ មានស្រុកកំណើតនៅស្រុករមាសហែក ខេត្តស្វាយរៀង បានឱ្យដឹងថា មុនពេលកើតហេតុ ខ្លួនជាមួយមិត្តភក្តិ និងមានស្រីម្នាក់ទៀតបានជិះម៉ូតូឌ្រីមសេ១២៥ ពណ៌ខ្មៅ មកអង្គុយលេងនៅក្រោមស្ពានអាកាសក្បាលថ្នល់ ប៉ុន្តែមិនបាន១៥នាទីផង ស្រាប់តែមានក្រុមស្ទាវ៥ ទៅ៦នាក់ បានដើរមកគំរាមសម្លុតឱ្យហុចទូរស័ព្ទដៃ១គ្រឿង និងដោះនាឡិកា១គ្រឿងឱ្យពួកវា ហើយបានទាត់ធាក់ជនរងគ្រោះទាំង២នាក់ ក្រោយពីយកទូរស័ព្ទ និងនាឡិកាថែមទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]