រាជធានីភ្នំពេញ ៖ រ៉ឺម៉កម៉ូតូកង់បីមួយគ្រឿង ខណៈបើកគេចរថយន្តដែលចតនៅលើចិញ្ចើមផ្លូវក៏វាក់ជាមួយរថយន្ត ដែលកំពុងធ្វើធ្វើដំណើរបញ្ច្រាសទិសគ្នា ពេលនោះអ្នកបើកម៉ូតូកង់បីជាន់ហ្វ្រាំងមិនទាន់ក៏ជ្រុលទៅ ប៉ះរថយន្តដែលគេចនោះ បណ្តាលឱ្យខូចខាតបន្តិចបន្តួច។ ហេតុការណ៍នេះបានកើតឡើងកាលពីវេលាម៉ោង៩និង៥០នាទីយប់ ថ្ងៃទី១២ មិថុនា នៅតាមបណ្តោយផ្លូវទេពផន ស្ថិតក្នុងសង្កាត់ទឹកល្អក់ទី៣ ខណ្ឌទួលគោក ហើយត្រូវម្ចាស់រថយន្តទារសំណង៥០ដុល្លារ តែដោយអ្នកបើកម៉ូតូកង់បីមានតែ១០ដុល្លារ និងទូរស័ព្ទចិនមួយគ្រឿង ក៏ត្រូវគេយកទាំងទូរស័ព្ទ និងលុយ១០ដុល្លារនោះទៅ ។
ប្រភពព័ត៌មានឱ្យដឹងថា មុនពេលកើតហេតុអ្នកបើកម៉ូតូកង់បីបានបើកគេចរថយន្តដែលគេចត លើចិញ្ចើមផ្លូវ តាមបណ្តោយផ្លូវទេពផន ពីកើតទៅលិច ។ ខណៈនោះដែរដោយសារមានរថយន្តមួយគ្រឿងទៀត ធ្វើដំណើរបញ្រ្ចាសទិសគ្នាមកពីមុខក៏ជាន់ហ្វ្រាំងបណ្តាលឱ្យបោក ម៉ូតូកង់បីទៅលើរថយន្តដែលចតលើចិញ្ចើមផ្លូវនោះខូចខាតបន្តិច បន្តួច ។ ដោយសារការប៉ះពារនេះ ម្ចាស់រថយន្តបានទាមទារសំណងនៃការខូចខាតដែលសូម្បីតែទូរស័ព្ទ ចិន១គ្រឿងក៏យកដែរ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]