នាងអលហ្គា គូរីលេនហ្គោ តារាសម្តែងដ៏សិចស៊ីជនជាតិអ៊ុយក្រែន ដែលគេស្គាល់ច្បាស់ក្នុងនាមជាតារាភាពយន្តជេម ស្ប៊ន០០៧ ឬ “007 Quantm of Solace” ត្រៀមបង្កើតភាពល្បីរន្ទឺ ក្នុងការប្រកួតបាល់ទាត់អឺរ៉ុប២០១២ នៅអ៊ុយក្រែន និងប៉ូឡូញ ដោយស្រាតសម្លៀកបំពាក់ប្រសិនបើក្រុមជម្រើសជាតិអ៊ុយក្រែន ដណ្តើមបានជើងឯក ។
សារព័ត៌មាន «យូរ៉ូញូវ២០១២» ឱ្យដឹងថា តារាសម្តែងអាយុ៣២ឆ្នាំ ដែលល្បីល្បាញក្នុងខ្សែភាពយន្តជេម ស្ប៊ន០០៧ បានក្លាយជាអ្នកគាំទ្រដ៏សិចស៊ីមួយរូបនៅមុនពេលការប្រកួត ចាប់ផ្តើម។ ចុងក្រោយនេះនាងបានបង្ហាញរូបរាងដ៏សិចស៊ី ដើម្បីជំរុញឱ្យការប្រកួតនៅក្នុងប្រទេសមានសភាពអធិកអធ័ម ហើយនាងនឹងស្រាតបង្ហាញទស្សនិកជននៅពេលក្រុមជម្រើសជាតិរបស់ ខ្លួនក្លាយជាជើងឯក EURO 2012 ។
ទោះបីជាបានផ្លាស់ប្តូរសញ្ជាតិទៅជាពល រដ្ឋរបស់បារាំង កាលពីឆ្នាំ២០០១ក៏ដោយ ប៉ុន្តែនាងគូរីលេនហ្គោ នៅតែអបអរសាទរក្រុមជម្រើសជាតិអ៊ុយក្រែន ដែលជាស្រុកកំណើតរបស់ខ្លួន ។ ស្របពេលជាមួយគ្នានេះ មានរបាយការណ៍ថា ប្រសិនបើអ៊ុយក្រែនគ្រប់គ្រងតំណែងជាជើងឯកបាល់ទាត់យូរ៉ូ ២០១២ នាងត្រៀមស្រាតសម្លៀកបំពាក់សម្រាប់ជារង្វាន់លើកទឹកចិត្តដល់ កីឡាករ និងក្រុមការងារគ្រប់រូប ។
ទោះជាយ៉ាងណាក៏ដោយ នៅមិនទាន់មានការបញ្ជាក់ពីពាក្យសម្តីរបស់នាងគូរីលេនហ្គោ ជាផ្លូវការនៅឡើយ ប៉ុន្តែក្រោយពីកីឡាកររបស់ក្រុមជម្រើសជាតិអ៊ុយក្រែន បានឮដំណឹងនេះ ប្រហែលជាពួកគេខំប្រឹងប្រកួត និងស៊ុតបញ្ចូលឱ្យបាន ទោះបីជាស្ថិតនៅក្នុងពូលជាមួយក្រុមជម្រើសជាតិឆ្នើមដូចជា បារាំង អង់គ្លេស និងស៊ុយអែតក៏ដោយ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]