ខេត្តកណ្តាល ៖ កុមារាអាយុ៩ឆ្នាំម្នាក់ឈ្មោះគឹម លីឆាយ មានទីលំនៅក្នុងភូមិកោះផុស ឃុំដីឥដ្ឋ ស្រុកកៀនស្វាយ បានស្លាប់បាត់បង់ជីវិតដោយសារអ្នកជិះម៉ូតូម៉ាក RX ជ្រុលទៅបើកបុកខណៈពេលកុមារនោះដើរឆ្លងផ្លូវឆ្ពោះទៅរកទិញ នំនៅលើផ្លូវជាតិលេខ១ ត្រង់ចន្លោះគីឡូម៉ែត្រលេខ២២និង២៣ ក្នុងភូមិកោះផុស ។
ប្រភពព័ត៌មានឱ្យដឹងថា កុមាររងគ្រោះឈ្មោះ គឹម លីឆាយ រត់ឆ្លងផ្លូវជាតិលេខ១ ពីខាងជើងទៅខាងត្បូងបំណងទិញនំក៏ត្រូវម៉ូតូធុនធំម៉ាក RX បើកដោយឈ្មោះការីម ហាំងទាង ភេទប្រុស អាយុ២៨ ឆ្នាំ ឌុបនារីម្នាក់ធ្វើដំណើរ ក្នុងទិសដៅពីលិចទៅកើតក្នុងល្បឿនលឿន ជ្រុលទៅបុកផ្លោងជិត១០ម៉ែត្រ បណ្តាលឱ្យស្លាប់ភ្លាម ចំណែកអ្នកជិះម៉ូតូទាំងពីរនាក់រងរបួសធ្ងន់ត្រូវគេនាំទៅ សង្គ្រោះនៅមន្ទីរពេទ្យកាល់ម៉ែត ។
ប៉ូលិសមូលដ្ឋានបានទៅវាស់វែង និងយកម៉ូតូបង្កហេតុទៅរក្សាទុកនៅអធិការដ្ឋាននគរបាលស្រុក កៀនស្វាយ ដើម្បីចាត់ការតាមច្បាប់។ ប៉ូលិសនិយាយថា គ្រោះថ្នាក់បណ្តាលមកពីអ្នកជិះម៉ូតូលឿនពេក ទើបពេលជួបឧបសគ្គកើតឡើងមិនអាចជាន់ហ្វ្រាំងជាប់ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]