ខេត្តកំពង់ឆ្នាំង ៖ យុវជនមួយក្រុមមានគ្នា៩នាក់ ជិះម៉ូតូ៥គ្រឿង ទៅមើលគេរាំធុងបាស់ក្នុងពិធីឡើងគេហដ្ឋានថ្មី ដែលក្នុងចំណោម៩នាក់ នោះមានយុវជនម្នាក់ជិតដល់ថ្ងៃរៀបការបានទៅមើលជាមួយគេដែរ ដោយទៅហៅសំបុត្រការមិត្តភក្តិផង ។ ខណៈពេលជិះម៉ូតូទៅជិតដល់ស្រាប់តែមានក្មេងទំនើងប្រចាំភូមិមួយ ក្រុមមានគ្នាជាង១០នាក់ ដើរសងខាងផ្លូវត្រឡប់មកពីរាំ ធុងបាស់វិញបានព្រួតកាប់អ្នកជិះម៉ូតូ២គ្រឿង បណ្តាលឱ្យរបួសធ្ងន់២នាក់ ស្រាលម្នាក់ កាលពីវេលាម៉ោង៩និង៣០នាទីយប់ថ្ងៃទី១០ មិថុនា ស្ថិតក្នុងភូមិសិរីឆោម ឃុំជ្រេស ស្រុកកំពង់ត្រឡាច ។
ជនរងគ្រោះទាំងបីនាក់រួមមាន១-ឈ្មោះនុប សុង ភេទប្រុស អាយុ២០ឆ្នាំ ជាកសិកររបួស៣ពូថៅ ចង្កេះ និងស្មា, ២-ឈ្មោះកែម ចិត្រ ភេទប្រុស អាយុ១៨ឆ្នាំ ជាសិស្ស របួសជាច្រើនពូថៅរយះសាច់ក្បាលមួយផ្ទាំងដាច់ដល់លលាដ៍ក្បាល និង៣-ឈ្មោះម៉ន វិន ភេទប្រុស អាយុ២០ឆ្នាំ ជាកសិករជិតដល់ថ្ងៃចូលរោងការ រងរបួសស្រាល អ្នកទាំងបីមានទីលំនៅភូមិអូរ ឃុំជ្រេស ស្រុកកំពង់ត្រឡាច ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]