រាជធានីភ្នំពេញ ៖ បន្ទាប់ពីបានចុះផ្សាយនៅលើទំព័រកាសែតកោះសន្តិភាពជុំវិញការចាកចេញរបស់កញ្ញាមាស សុខសោភា ពីផលិតកម្ម Town រួចមក ស្រាប់តែមានព័ត៌មានពីមជ្ឈដ្ឋានខាងក្រៅបាននិយាយថា កញ្ញាមាស សុខសោភា បានចាកចេញពីផលិតកម្ម Twonហើយក៏បានវិលចូលទ្រនំចាស់វិញដែរ គឺផលិតកម្ម M ។ នេះជាព័ត៌មានមួយ ដែលគួរឱ្យភ្ញាក់ផ្អើលបំផុត ចំពោះអ្នកគាំទ្រ កញ្ញាមាស សុខសោភា ដែលកន្លងមកកញ្ញាស៊ឹ ថៃណា ដែលធ្លាប់បានចាកចេញពីផលិតកម្ម M ទៅជ្រកនៅផលិតកម្ម Big man ហើយក៏បានវិលចូលផលិតកម្ម Mវិញ ផងដែរ ។
ទាក់ទងទៅនឹងការវិលចូលរបស់កញ្ញាមាសសុខសោភា ត្រូវបានអ្នកគ្រប់គ្រងនៅផលិតកម្ម M បកស្រាយប្រាប់កោះសន្តិភាពតាមទូរស័ព្ទឱ្យដឹងថា ចំពោះព័ត៌មានដែលគេនិយាយថា កញ្ញាមាស សុខសោភា វិលចូលផលិតកម្ម M វិញនេះ វាមិនមែនជាការពិតនោះទេ ព្រោះកន្លងមកកញ្ញាមាស សុខសោភា បាននិយាយថា ផលិតកម្ម Town ល្អសម្រាប់នាង ហើយរស់នៅសុខស្រួលណាស់ រឿងអ្វីដែលនាងចាកចេញនោះ ។ ប៉ុន្តែបើគាត់ចាកចេញពីផលិតកម្ម Town មកចូល M វិញនោះ ខ្ញុំគិតថា វាជាការល្អ ខ្ញុំនឹងស្វាគមន៍នាងជានិច្ច ។ តែសម្រាប់បច្ចុប្បន្ននេះគាត់មិនបានវិលត្រឡបមកផលិតកម្ម M នោះទេ ហើយបើគាត់ចូលវិញនោះខ្ញុំក៏មិនលាក់ដែរ ខ្ញុំនឹងប្រកាសបើកចំហជាសាធារណៈតែម្តង ។
គួរបញ្ជាក់ថា កន្លងមកលោកមាស សុខរតនៈ ដែលជាបងប្រុសបង្កើតរបស់កញ្ញាមាស សុខសោភា បានបដិសេធអំពីដំណើរនៃការចាកចេញពីផលិតកម្ម Town របស់ប្អូនស្រីលោកម្តងរួចមកហើយ ។ ប៉ុន្តែថ្មីៗនេះនៅតែមានលេចឮព័ត៌មានអំពីការចាកចេញរបស់កញ្ញាមាស សុខសោភា ដដែលដោយអ្នកគាំទ្រនៅតែយល់ថា ចំពោះពាក្យសម្តីលោកមាស សុខរតនៈ នោះគ្រាន់តែជាពាក្យបិទបាំងអំពីការចាកចេញតែប៉ុណ្ណោះ ៕
ដកស្រង់ពី គេហទំព័រ កោះសន្តិភាព
សូមចុចស្តាប់បទចុងក្រោយ របស់កញ្ញា មាស សុខសោភា
គេមិនបានឃើញបទរបស់កញ្ញា ក្នុងអាល់បុម ថ្មីរបស់ Town Production ទេ។ គេឃើញតែបទ របស់ សុគន្ធ នឺសា តែប៉ុណ្ណោះ។
សូមប្រិយមិត្តទាំងអស់ជួយចុច Add a comment ដើម្បីផ្តល់ជាមតិ នូវលើរឿងខាងលើនេះ សូមជួយចុច Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
