រាជធានីភ្នំពេញ ៖ បងប្អូនប្រុសស្រីបង្កើតតូចៗ៥នាក់អាយុត្រឹម១២ឆ្នាំ ចុះក្រោមបានដឹកដៃគ្នាដើរឆ្លងផ្លូវឆ្ពោះទៅផ្សារទំនើបសុវណ្ណា ត្រូវម៉ូតូវ៉េវ ពណ៌ខ្មៅ ជិះបុកដួលម៉ូតូសង្កត់គរលើគ្នារបួសធ្ងន់២នាក់ ស្រាល៣នាក់ ចំណែកអ្នកបើកបរម៉ូតូរត់គេចបាត់ ។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង៩និង៥នាទីយប់ ថ្ងៃទី១០ មិថុនា លើកំណាត់ផ្លូវលេខ២៧១ មុខផ្សារទំនើបសុវណ្ណា ស្ថិតក្នុងសង្កាត់ទំនប់ទឹក ខណ្ឌចំការមន ។
ម្តាយក្មេងទាំង៥នាក់នោះមានឈ្មោះស៊ាង ចាន់ធី អាយុ៣៥ឆ្នាំ ស្នាក់នៅផ្ទះជួលភូមិ៤ សង្កាត់បឹងទំពុន ខណ្ឌមានជ័យ ។ ក្មេងទាំង៥នាក់ដែលរងរបួសនោះកូនស្រីបងបែកក្បាលហូរឈាម កូនប្រុសតូចជាងគេបែកក្បាល ក្រៅពីនោះដួលបោកក្បាលឈឺក្បាល និងរលាត់ដៃជើង ត្រូវបានបញ្ជូនទៅព្យាបាលនៅមន្ទីរពេទ្យមិត្តភាពខ្មែរ-សូវៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
