កាលពីថ្មីៗនេះ ហង្សក្រហម Liverpool កំពុងតែត្រៀមលុយ ២៧ លានផោន ស្មើនឹងជាង ៤៥ លានដុល្លារសហរដ្ឋអាមេរិក ដើម្បីទិញយកតារាកំពុងរះ របស់ឆីលី Alexis Sanchez ពីក្រុម Barcelona បន្ទាប់ពីកីឡាកររូបនេះ បានចូលរួមចំណែកស៊ុតបញ្ចូលទីមួយគ្រាប់ ជួយអោយក្រុមជម្រើសជាតិឆីលី យកឈ្នះក្រុមជម្រើសជាតិអូស្ត្រាលី ៣ទល់នឹង១ ក្នុងព្រឹត្តិការណ៍បាល់ទាត់ពិភពលោក កន្លងទៅនេះ។

យោងតាមរបាយការណ៍ នៅប្រទេសអេស្ប៉ាញបានអោយដឹងថា ក្រុម Barcelona របស់លោក Luis Enrique អាចនឹងលក់កីឡាករនេះ បើចរចារតម្លៃគ្នាត្រូវ ព្រោះថាគ្រូបង្វឹកសញ្ជាតិអេស្ប៉ាញរូបនេះ ចង់ធ្វើការផ្លាស់ប្តូរទម្រង់របស់ក្រុមលោក។

ទន្ទឹមនឹងនេះដែរ ក្រុមបិសាចក្រហម Manchester United ក៏ចង់បានកីឡាករឆីលីរូបនេះដែរ ប៉ុន្តែ Sanchez បានបង្ហើបអោយដឹងហើយថា លោកនឹងមិនទៅលេងនៅក្រុមណា ដែលមិនជាប់ក្របខ័ណ្ឌ Champions League នោះទេ។

គួរបញ្ជាក់ផងដែរថា ក្រុមហង្សក្រហម ទិញបានកីឡាករបីរូប ជាផ្លូវការហើយរួមមាន ខ្សែប្រយុទ្ធ Lambert ពីក្រុម Southampton, ខ្សែបម្រើ Emre Can ពីក្រុម Bayern Leverkusen និងចុងក្រោយគឺខ្សែការពារ  Alberto Moreno ពីក្រុម Sevilla។


ប្រភព៖ មេត្រូ

ដោយ RoMeo

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]