បែកធ្លាយរូបភាព ទូរសព្ទ iPhone 6 ចេញពីតារា ប្រុសតៃវាន់ Jimmy Lin

តៃវាន់ ៖  តើអ្នកពិតជាចង់ឃើញ ទូរស័ព្ទដៃទំនើប iPhone 6 ដែលនឹងត្រូវដាក់លក់ នៅពេលខាងមុខនេះទេ?

តាមប្រភពព័ត៌មានបានឲ្យដឹងថា តារា តៃវាន់ Jimmy Lin ល្បីឈ្មោះម្នាក់ បានបង្ហោះរូបថត កាន់ទូរស័ព្ទដៃទំនើបពីរគ្រឿង ហើយត្រូវបានគេ សង្ស័យថា ជារូបភាពនៃទូរស័ព្ទទំនើប iPhone 6 ។

តារារូបនេះបាន បានប្រើប្រាស់ រូបថតចំនូន ៣ ដើម្បីធ្វើការប្រៀបធៀប ដោយគាត់និយាយថា ទូរស័ព្ទដែល មានពណ៌ប្រាក់ គឺជា iPhone 6 ដែលដាក់ទន្ទឹមគ្នានឹង iPhone 5 និង iPhone 5S។

រូបភាពនេះ ត្រូវបានគេជឿថា ជា iPhone 6 មានរូបរាង មួល និង ព្រមទាំងមានទំហំធំ, វែង ជាង ប្រភេទទូរស័ព្ទ ដែលក្រុមហុន Apple បានផលិតកន្លងមកនេះ។ ហើយរូបថតនេះ ក៏ត្រូវបានអះអាងថា ជាការរចនាថ្មី នៃទូរស័ព្ទ ទំនើប iPhone 6 ផងដែរ។

យោងតាមសំដីតារាល្បីឈ្មោះម្នាក់នេះ ដែលបានសរសេរ នៅលើ់បណ្តាញអ៊ិនធើណែត បាននិយាយថា វាមានអេក្រង់ទំហំ ៤.៧ អ៊ីង ចំនែកបូតុនបិទបើកវា គឺផ្លាស់ប្តូរទៅខាងស្តាំបន្តិច  ។ បន្ទាប់ពីគាត់បាន បង្ហោះរូបនេះឡើងហើយ មានប្រិយមិត្តជាច្រើន បានសូរគាត់ នៅលើបណ្តាញសង្គម Weibo ប៉ុន្តែគាត់មិនបានឆ្លើយ តបនឹង ចំងល់របស់ អ្នកគាំទ្រគាត់ឡើយ។

គួរបញ្ជាក់ផងដែរ តារាចម្រៀង និង សម្តែង និង ជាគ្រូបង្រៀនប្រណាំងឡាន វ័យ ៣៩ ឆ្នាំរូបនេះ ត្រូវបានគេដឹងថា ជាអ្នកចូលចិត្តចង់សាកល្បង នូវគ្រឿងបច្ចេកវិទ្យាថ្មី ដែលកាលពីលើកមុន គាត់បានបង្ហោះ រូបភាព ដែលមានរូបរាង ដូច iPhoneC និង Mini iPad បេះបិទ មុនពេលដែលវា ត្រូវបានគេដាក់លក់ជាផ្លូវការ។

ការបង្ហោះ រូបភាពទូរស័ព្ទ iPhone 6 នេះ ធ្វើឲ្យមានការភ្ញាក់ផ្អើល យ៉ាងខ្លាំងពីអ្នក ប្រើប្រាស់បណ្តាញសង្គម Weibo ដែលរយៈពេល មួយថ្ងៃប៉ុណ្ណោះ ទទួលបានការ ចែករំលែក(Share) ១៧៧,០០០ ដង និង Comment រហូតដល់ ៨០,០០០ ដង ឯណោះ។

អ្នកប្រើប្រាស់មួយចំនួន បាននិយាយថា រូបភាពដែលតារារូបនេះ បង្ហោះ គឺជារូបរាងថ្មី នៃ iPhone 6 ចំនែកឯអ្នកប្រើប្រាស់ មួយចំនួនទៀត និយាយថា វាមានរូបរាងមិនស្អាតទេ និង អ្នកមួយចំនួនទៀត បានសរសរថា ឲ្យតារារូបនេះ បើកទូរស័ព្ទ iPhone 6 ដើម្បីបញ្ជាក់ថា វាពិតជាទូរស័ព្ទដ៏ពិតប្រាកដមែន៕

រូបភាពថតពីផ្នែកខាងមុខនៃ iPhone 5(ខាងឆ្វេង) និង iphone 6(ខាងស្តាំ)

រូបថតប្រៀបធៀប ពី iPhone 5S (ខាងស្តាំ) និង iPhone 6 (ខាងឆ្វេង) 

ចុះប្រិយមិត្ត យល់យ៉ាងណាដែរ?

ប្រភព ៖ បរទេស

ដោយ ៖ ណា

ខ្មែរឡូត