ក្រុមហ៊ុន Facebook នឹងដាក់ពាក្យចូលផ្សារហ៊ុន(សំណើលក់ដំបូងជាសាធារណៈ)នាសប្តាហ៍នេះដែលធ្វើឲ្យបណ្តាញសង្គមមួយនេះមានតម្លៃ១០០ពាន់លានដុល្លារ។ នេះបើតាមសារព័ត៌មានWall Street Journal ។ សារព័ត៌មាននោះលើកឡើងថា ក្រុមហ៊ុនFacebook អាចដាក់ពាក្យស្នើចូលផ្សារហ៊ុនជាមួយគណៈកម្មាធិការមូលបត្រ័អាមេរិក ឲ្យបាននៅថ្ងៃពុធ ប៉ុន្តែពេលវេលានៅតែស្ថិតក្នុងការពិភាក្សានៅឡើយ។
Wall Street Journal បន្តថា ក្រុមហ៊ុនMenlo Park បណ្តាញសង្គមដ៏ធំនៅក្នុងរដ្ឋកាលី ហ្វ័រនីញ៉ា សម្លឹងឃើញថា តម្លៃរបស់Facebook មានប្រហែល៧៥ពាន់លានដុល្លារទៅ១០០ ពាន់លានដុល្លារ ហើយប្រហែលជាយកក្រុមហ៊ុន Morgan Stanley ឲ្យធ្វើជាអ្នកដឹកនាំអ្នក ធានា ទិញ (Underwriter) សម្រាប់ការលក់ក្នុងផ្សារហ៊ុន។ ចំណែកក្រុមហ៊ុន Goldman Sach ក៏ត្រូវបានគេសង្ឃឹមថានឹងបានដើរតួរមួយដែរក្នុងកិច្ច ព្រមព្រៀងនោះ។
សារព័ត៌មានដដែលបាននិយាយថា សំណើលក់ដំបូងជាសាធារណៈ ( IPO ឬ initial public offering ឬ Stock market launch )របស់ក្រុមហ៊ុន Facebook នឹងកើនឡើងដល់១០ពាន់លានដុល្លារ ហើយបង្កើតជាកំណត់ត្រាច្រើនបំផុតដែលមិនធ្លាប់មាន។ ជាមួយកិច្ចព្រមព្រៀង១០ពាន់លានដុល្លារ ក្រុមហ៊ុន Facebook នឹងឈរនៅលំដាប់លេខ៦ក្នុងបញ្ចីសំណើលក់ដំបូងជាសាធារណៈអាមេ រិកដ៏ធំរវាងក្រុមហ៊ុន AT&T Wireless Group ដែលមានIPO ១០,៦២ពាន់លានដុល្លារអាមេ រិក ក្រុមហ៊ុន Kraft Food ដែលមាន IPO ចំនួន ៨,៦៨ពាន់លានដុល្លារ។ នេះបើតាម Renaissa-nce Capital។
វានឹងក្លាយជាអត្រា IPO ច្រើនជាងគេបំផុត ដែលមិនធ្លាប់មានសម្រាប់ក្រុមហ៊ុនអ៊ីនធើរណេត ស្របពេលដែលក្រុមហ៊ុន Google ដែលបានដាក់សំណើលក់ដំបូងជាសាធារណៈក្នុងឆ្នាំ២០០៤ មានតម្លៃទឹកប្រាក់តែ១,៩ពាន់លានដុល្លារ ហើយតម្លៃគេហទំព័រស្រាវជ្រាវដ៏ធំមានតម្លៃត្រឹមតែ២៣ពាន់លានដុល្លារនោះនាពេលនោះ។ មូលធនក្នុងទីផ្សារហ៊ុនតម្លៃ១០០ពាន់លានដុល្លារធ្វើឲ្យក្រុមហ៊ុន Facebook ឈរនៅក្នុងជួរជាមួយក្រុមហ៊ុន McDonald (១០១ ពាន់លានដុល្លារ) នៅពីលើក្រុមហ៊ុន Boeing ដែលមានតម្លៃ៥៦ពាន់លានដុល្លារ តែនៅក្រោមក្រុមហ៊ុន Apple មានធនធានដល់ទៅ៤១៥ពាន់លានដុល្លារ និងក្រុមហ៊ុនGoogle ដែលពេល នេះមានមូលធនចំនួន១៨៦ពាន់លានដុល្លារ ។
នាយកប្រតិបត្តិក្រុមហ៊ុន Facebook លោក Mark Zuckerberg បាននិយាយបង្វែពីរ បញ្ហាIPO អស់ជាច្រើនឆ្នាំមកហើយ ដោយគ្រាន់តែនិយាយថា គាត់ផ្តោតអារម្មណ៍លើការកសាងក្រុមហ៊ុនជាជាងដាក់វាជាសាធារណៈ។ ប៉ុន្តែ Zuckerberg ដែលបានបង្កើតបណ្តាញសង្គមក្នុងសាកលវិទ្យាល័យ Harvard អស់រយៈ៩ឆ្នាំមកហើយនោះមានសមាជិកជាង៨០០លាននាក់ ហើយពេលថ្មីៗដូចជាបានឱនលំទោនចំពោះការលក់ភាគហ៊ុនក្នុងផ្សារហ៊ុន។
ម្ចាស់ក្រុមហ៊ុនមួយនេះនិយាយថា IPO មិន មែនជារឿងមួយដែលត្រូវឲ្យចំណាយពេលគិតពី មួយថ្ងៃមួយថ្ងៃនោះឡើយ។ ចំណែកដ៏ធំសម្រាប់ក្រុមហ៊ុនបច្ចេកវិទ្យា គឺការទទួលបាននូវវិស្វករដ៏ល្អបំផុត អ្នកកែច្នៃដ៏ល្អបំផុត និងមនុស្សមានសមត្ថភាពនៅជុំវិញពិភពលោក។ នាពេលនេះ ក្រុមហ៊ុន Facebook ទទួលបានប្រាក់ចំណូលប្រចាំឆ្នាំតាមរយៈការផ្សាយពាណិជ្ជកម្មដែលមានតម្លៃប្រហែល៥ពាន់លានដុល្លារ៕
ដោយ ៖ ធីតាកោះ
ដកស្រង់ពី កោះសន្តិភាព
Khmerload: លោក Mark Zuckerberg នឹងមានទ្រពសម្បត្តិ រហូតដល់ទៅ ២៥ ពាន់លាន ដុល្លារ ធ្វើអោយលោក ជាអ្នកមានជាងគេបំផុត សំរាប់អ្នកក្រោមអាយុ ៣០ ឆ្នាំ។ សព្វថ្ងៃនេះ លោកមានអាយុ ២៧ឆ្នាំ នៅកំលោះទៀត។ ពិតជាអស្ចារ្យ។ បើតាមស្ថិតិបានពី Facebook សព្វថ្ងៃនេះមានអ្នកលេង Facebook នៅប្រទេសកម្ពុជា មានរហូតដល់ ទៅ 469,660នាក់ ហើយ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
