បេក្ខជន ១០ នាក់របស់កម្មវិធី “ស្ដាប់ចម្រៀងរបស់ខ្ញុំ” ត្រូវចែកជាពីរក្រុម

បេក្ខភាព ១០នាក់អនាគតអ្នក និពន្ធបទភ្លេងថ្មីក្នុងសិល្បៈ តន្ត្រីរបស់ខ្មែរយើង របស់កម្មវិធី  “ស្ដាប់ចម្រៀងរបស់ខ្ញុំ” ដែលជាប់ឆ្លងចូលវគ្គទី២នោះ ពេលនេះ ត្រូវបានចែកចេញជា ពីរក្រុមហើយ ក្នុងថ្ងៃជួប និងសម្ដែងលើកទី១មុខគណៈ កម្មការកាលពីដើមសប្ដាហ៍នេះ។

ភាពចាំបាច់ក្នុងចែកបេក្ខជន ទាំង១០នាក់ចេញជាពីរក្រុម គឺដើម្បីផ្តល់ភាពងាយ ស្រួលសម្រាប់គណៈកម្មការទាំង ៤នាក់ គឺលោក សុខ វិសាល អ្នកនាង ខាត់ សុឃីម លោក កង ពិសិដ្ឋ និងលោក រ៉េតធី ដូណា ងាយស្រួលក្នុងចែកគ្នាមើលការខុសត្រូវ និងហ្វឹកហាត់ ក្នុងនោះបន្ទាប់ពីចែក ក្រុមហើយ គណៈកម្មការពីរនាក់ ត្រូវមើលការខុស ត្រូវបេក្ខជន១ក្រុមដែលមានគ្នា ៥នាក់។

បន្ទាប់ ពីមានក្រុមរៀងខ្លួន បេក្ខជន បេក្ខនារីទាំងពីរក្រុមនឹង ត្រូវជួបជុំគ្នាម្តងទៀត នៅថ្ងៃទី ៣ មិថុនា ខាងមុខ ដើម្បីទទួលការបង្ហាត់ និងប្រកួតប្រជែង ដណ្ដើមគ្នាឆ្ពោះ ទៅកាន់ជយលាភី។ ប៉ុន្តែមុនដល់តំណែងជយលាភី ពួកគេត្រូវឆ្លង កាត់មួយវគ្គទៀត គឺវគ្គបោះឆ្នោតពីមហាជន ដែលក្រុមការងារនឹងបើកឲ្យ មានការបោះឆ្នោតតាមរយៈ SMS, Facebook Like និង Youtube Like ក្នុងពេលឆាប់ៗនេះ។

គិត ត្រឹមថ្ងៃនេះ “ស្ដាប់ចម្រៀងរបស់ខ្ញុំ” ដែលកំពុងធ្វើប្រតិបត្តិការបំផុស ការតែងនិពន្ធបទ ចម្រៀងមានបទភ្លេង ថ្មី និងស្វែងរកឲ្យឃើញយុវវ័យ ដែលមានទេពកោសល្យពិតប្រាកដ លើផ្នែកនេះ នោះ បានឈានមកដល់វគ្គទី២ហើយ ក្នុងចំណោម ៤វគ្គរបស់កម្មវិធី។

កម្មវិធី ដែលកំពុងទទួលបានការ ចាប់អារម្មណ៍នេះ បានចាប់ដំណើរកាលពីថ្ងៃទី ២៧ កុម្ភៈ ២០១៤។ “ស្ដាប់ចម្រៀងរបស់ខ្ញុំ” កើតឡើងក្រោមការ ចុះអនុស្សរណៈ យោគយល់គ្នារវាងភាគីសំខាន់ៗ៤ គឺក្រសួងព័ត៌មាន ក្រុមហ៊ុន Sabay Digital Corporation មជ្ឈមណ្ឌលតន្ត្រី Madison និង ក្រុមហ៊ុន TY KEA Co.,Ltd។ ក្រុមហ៊ុន Smart ,Coca Cola , Nokia , Tous Les Jours និង Platinum Cineplex គឺជាអ្នកឧបត្ថម្ភធំរបស់កម្មវិធី៕

បញ្ចូលអត្ថបទដោយ ម៉ា

ខ្មែរឡូត

• ខាត់ សុឃីម