តូច​ចិត្ត​ស្រឡាញ់​ប្រពន្ធ​គេ​មិន​បាន​ចាក់​សាំង​ដុត​ខ្លួន​ឯង​

ខេត្តមណ្ឌលគិរី ៖ យុវជនម្នាក់ជាជាងឈើ តូចចិត្តស្រឡាញ់ ប្រពន្ធរបស់គេមិនបាន ចាក់សាំងដុតខ្លួនឯង បណ្តាលឱ្យឆាបឆេះ រលាករលួយពេញខ្លួន កាលពីវេលាម៉ោង៣ និង៣០នាទីរសៀល ថ្ងៃទី២៨ឧសភា ២០១៤ នៅភូមិតាព្រហ្ម ស្រុកកែវសីមា ខេត្តមណ្ឌលគិរី ។

ប្រភពព័ត៌មានពីជនរងគ្រោះ បានឱ្យដឹងថា រូបគេឈ្មោះជា សុភាព ភេទប្រុស អាយុ២៨ឆ្នាំ ជាជាងឈើ ស្នាក់នៅភូមិកើតហេតុខាងលើ មានស្រុកកំណើត នៅភូមិប្រាសាទបាគង ខេត្តសៀមរាប ។

យុវជនរងគ្រោះបន្តទៀតថា មូលហេតុដែលរូបគេ ចង់ធ្វើអត្តឃាតរហូតទិញសាំង១លីត្រ យកមកទុកសម្រាប់ដុតខ្លួនឯងនោះ ដោយសារតែតូចចិត្ត ស្រឡាញ់ប្រពន្ធរបស់គេមិនបាន តូចចិត្តការងារមិនរីកចំរើន ហើយរូបគេជាមនុស្សញៀនថ្នាំទៀត ទើបសម្រេចចិត្ត ដុតខ្លួនឯងតែម្តង។