ខេត្តប៉ៃលិន ៖ នារីវ័យក្មេង២នាក់បានផឹកថ្នាំពុលប៉ុនប៉ងធ្វើអត្តឃាត បញ្ចប់ជីវិតក្នុងថ្ងៃតែមួយកាលពីថ្ងៃទី៥ មិថុនា ២០១២។
ករណីទី១ នារីម្នាក់ឈ្មោះអែម សុភ័ណ អាយុ២២ឆ្នាំ រស់នៅភូមិភ្នំដំបង សង្កាត់អូរតាវ៉ៅ ក្រុងប៉ៃលិន បានផឹកថ្នាំពុលបាញ់ស្មៅប្រភេទទឹកឃ្មុំអស់មួយកែវជ័រ បន្ទាប់ពីឈ្លោះប្រកែកគ្នាជាមួយប្តីឈ្មោះប៉ើក សុជា អាយុ២៨ឆ្នាំ ពីរឿងដែលប្តីនាងមកយកកូនឈ្មោះប៉ើក ចិត្រា អាយុ២ឆ្នាំ ទៅស្រុកវិញ នៅខេត្តតាកែវ កាលពីថ្ងៃទី៤ មិថុនា ២០១២ ទើបធ្វើឱ្យនាងតូចចិត្តផឹកថ្នាំ ពុលធ្វើអត្តឃាតកាលពីវេលាម៉ោង១២ថ្ងៃត្រង់ថ្ងៃទី៥ មិថុនា តែត្រូវបងបង្កើតឃើញទាន់ក៏ទាញយកចេញរួចទូរស័ព្ទហៅរថយន្ត សង្គ្រោះនគរបាលខេត្តប៉ៃលិនដឹកយកទៅមន្ទីរពេទ្យបង្អែកខេត្ត ។
ករណីទី២ យុវតីម្នាក់ឈ្មោះភាព ស្រីភក្ត្រ អាយុ១៨ឆ្នាំ រស់នៅភូមិបាយសី ឃុំស្ទឹងត្រង់ ស្រុកសាលាក្រៅ តូចចិត្តនឹងសង្សារសុំបែកផ្លូវទៅរកស៊ីនៅស្រុកថៃ ធ្វើឱ្យនាងគិតខ្លីសម្រេចផឹកថ្នាំពុលប្រភេទទឹកខៀវអស់ជិត១ លីត្រប៉ុនប៉ងសម្លាប់ខ្លួន ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
