រាជធានីភ្នំពេញ ៖ លោកម៉ក់ ហុង អធិការប៉ូលិសខណ្ឌសែនសុខ បានប្រាប់កោះសន្តិភាពថា អ្នកគ្រប់គ្រងក្លឹបម៉ូណាកូ និងមេកាម្នាក់ទៀតត្រូវបានប៉ូលិសឃាត់ខ្លួននៅព្រឹកថ្ងៃទី៥ មិថុនា ២០១២ ដោយសង្ស័យជាប់ពាក់ព័ន្ធប្រើអំពើហិង្សាទៅលើជនរងគ្រោះ ។
ជនសង្ស័យទាំង២នាក់នេះមានឈ្មោះរិទ្ធី វឌ្ឍនៈ ភេទប្រុស អាយុ៣២ឆ្នាំ ជាអ្នកគ្រប់គ្រងក្លឹប និងឈ្មោះសួន ភិរម្យ ភេទប្រុស អាយុ២៧ឆ្នាំ ជាមេកានៅក្លឹបនេះ ។ ដោយឡែកប៉ូលិសក៏បានឃាត់ខ្លួនយុវជនភាគីម្ខាងទៀតចំនួន៣នាក់ ផងដែរ ដែលមានឈ្មោះស្រ៊ុន តុលា, រស់ វណ្ណដន, សុខ ផាណា ឯសន្តិសុខក្លឹបនេះម្នាក់ទៀតដែលជាប់ពាក់ព័ន្ធបានគេចខ្លួន បាត់។ ចំពោះការឃាត់ខ្លួនជនទាំង៥នាក់ខាងលើនេះប៉ូលិសខណ្ឌសែនសុខ បានឱ្យដឹងថា ជាករណីវាយតប់គ្នា។ ដោយឡែកឪពុកម្តាយភាគីរងគ្រោះកំពុងយកកូនប្រុសរងរបួសធ្ងន់ទៅ សម្រាកព្យាបាលនៅមន្ទីរពេទ្យព្រះកុសុមៈ ហើយក៏ឆ្លៀតយួរបាយម្ហូបទៅឱ្យកូនម្នាក់ទៀតដែលត្រូវប៉ូលិសឃាត់ ខ្លួនបានប្រាប់កោះសន្តិភាពថា វាជារឿងអយុត្តិធម៌ និងមិនយល់ទាល់តែសោះដែលប៉ូលិសបែរជាឃាត់ខ្លួនភាគីខាងរងគ្រោះទៅ វិញ។ ម្ចាស់ក្លឹបម៉ូណាកូមិនអាចទាក់ទងសុំការបំភ្លឺបានទេ នៅថ្ងៃទី៥ មិថុនា នេះ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
