អាថ៍កំបាំងសុខភាពសាមញ្ញ ទាំង៧ចំនុចនេះ មានតែស្ត្រីប៉ុណ្ណោះដែលអនុវត្តជាប្រចាំ ប៉ុន្តែបុរសៗគួរតែយកតម្រាប់តាម ព្រោះវាអាចផ្តល់ ប្រសិទ្ធភាពយ់ាងល្អ។
- លាងសម្អាតផ្ទៃមុខមុនពេលចូលគេង
ការលាងសម្អាតផ្ទៃមុខមុនពេលចូលគេង វាអាចលុបបំបា់ត់នូវសារជាតិប្រេង, ធូលី និង គ្រឿងសម្អាងពីផ្ទៃមុខ ដូច្នេះហើយ ស្បែកមុខអាចធ្វើការជួសជុលកោសិកាខូច និង ត្រៀមសម្រាប់ថ្ងៃបន្ទាប់។ ទោះបីជាផ្ទៃមុខរបស់អ្នក ពុំបានប្រើប្រាស់ នូវគ្រឿងសម្អាងក៏ដោយ ប៉ុន្តែវាក៏អាចជួយឲ្យអ្នកទទួលបានអត្ថប្រយោជន៍ពីការលាងសម្អាតមុខមុនពេលគេងផងដែរ។
អ្នកគួរចងចាំថាជារៀងរាល់ថ្ងៃ អ្នកតែងតែប៉ះពាល់ផ្ទៃមុខរបស់អ្នក ដោយមិនដឹងខ្លួន ដែលវាអាចធ្វើឲ្យសាយភាយនូវបាក់តេរី។ លាងសម្អាតផ្ទៃមុខ មុនពេលគេង អាចជួយកាត់បន្ថយ ជាតិប្រេង និង ការពារបាក់តេរីដែលធ្វើឲ្យស្ទះរន្ធញើស។
- ការថ្លឹងទម្ងន់ជារៀងរាល់ថ្ងៃ
ការថ្លឹងទម្ងន់វាហាក់ដូចជាការស្រមើស្រមៃ ប៉ុន្តែការគ្រប់គ្រងទម្ងន់ អាចជាវិធីដែលងាយស្រួលបំផុត ដើម្បីរក្សាការត្រួតពិនិត្យ ការទទួលទាន។
ជាការពិតណាស់ ការសិក្សាស្រាវជ្រាវនៅសាកលវិទ្យាល័យ Minnesota បានបង្ហាញថា អ្នកដែលថ្លឹងទម្ងន់ទៀងទាត់ អាចស្រកទម្ងន់ទ្វេដង បើប្រៀបធៀបនឹងអ្នកដែលមិនសូវបានថ្លឹង។
- គួរយកតាមខ្លួននូវ ជែលលាងសម្អាតបាក់តេរី
បាក់តេរីមាននៅគ្រប់ទីកន្លែង ដូច្នេះអនាម័យដៃឲ្យបានត្រឹមត្រូវ អាចការពារពីការចម្លងមេរោគបាន។ ការលាងសម្អាតដៃដោយ ជែលប្រឆាំងបាក់តេរីជាវិធីដែលងាយស្រួល, ព្រមទាំងមានប្រសិទ្ធភាព ក្នុងការរក្សាដៃអ្នកឲ្យមានអនាម័យ និង ផាសុខភាព។
- ការបរិភោគអាហារមានជាតិកាកសសៃ
ទឹកដោះគោជូរ (យ៉ាអួ) ដែលមានជាតិ កាកសសៃ អាចជួយឲ្យស្រ្តីបន្ទោរបង់ បានល្អដែលបុរសជាច្រើន មិនបានគិតដល់។ អាហារកាកសសៃ អាចជួយឲ្យបុរសស្រកទម្ងនិ និងកាត់បន្ថយកូឡេស្តេរ៉លផងដែរ។ អាហារកាកសសៃនេះមាននៅក្នុង សណ្តែកដី, គ្រាប់សណ្តែក, និងផ្លែឈើជាដើម។
- ការណាត់ជួបជាមួយមិត្តភក្តិ
ការជួបជុំមិត្តភក្តិដើម្បីជជែកកម្សាន្តអាចធ្វើឲ្យសុខភាពអ្នកល្អប្រសើរបាន។ បុរសភាគច្រើនតែងតែលាក់ទុករឿងក្នុងចិត្ត ប៉ុន្តែស្ត្រីវិញតែងតែចែករំលែករឿងក្នុងចិត្តទៅកាន់មិត្តភក្តិ និងធ្វើឲ្យនាងមានសុខភាពល្អ។ តាមការស្រាវជ្រាវក្នុងចំណោម ៧០ករណីបានរកឃើញថា អ្នកដែលមានមិត្តភក្តិច្រើនរស់បានវែងជាង៧ឆ្នាំ។
- ការត្រាំទឹកក្តៅ
ស្រ្តីងូតទឹកដោយការត្រាំខ្លួន ឯបុរសងូតទឹកផ្កាឈូក ដែលនេះអាចជាហេតុផល ដែលស្រ្តីមានក្លិនខ្លួនល្អ និងស្បែកទន់ជាងបុរស។ ការត្រាំខ្លួន ក្នុងទឺកក្តៅឧុនៗ ធ្វើឲ្យរន្ធញើសបើក និងលាងសម្អាតភាពកខ្វក់ និង ជាតិពុលចេញពីស្បែក ដែលធ្វើឲ្យស្បែកអ្នកស្រស់ថ្លា។
អ្នកគួរបន្ថែមនូវអំបិលធម្មជាតិចូលក្នុងទឹកដែលជួយកាត់បន្ថយនូវស្នាមជ្រីវជ្រួញ និងលាភឡេបន្ទាប់ពីងូតទឹករួច ធ្វើឲ្យស្បែកមានសំណើម។
- ធ្វើការហាត់ប្រាណជាក្រុម
ការហាត់ប្រាណដោយការលើកដុំដែក រត់ បូករួមជាមួយការហាត់យូហ្គា ឬ ប្រដាល់អាចធ្វើឲ្យ សាច់ដុំរឹងមាំល្ង។
បើសិនជាអ្នកពុំមានពេលទៅក្លឹបកីឡាទេនោះ អ្នកក៏អាចសាកល្បងការហាត់ប្រាណជាមួយមិត្តភក្តិ។ តាមការសិក្សារបស់ សាកលវិទ្យាល័យ Oxford រកឃើញថាអ្នកដែលហាត់កីឡា ជាក្រុមអាចផ្តល់ប្រសិទ្ធភាព ទ្វេដងប្រៀបធៀប នឹងការហាត់កីឡាដោយខ្លួនឯង។
ប្រភព បរទេស
ដោយ mey
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
