រាជធានីភ្នំពញ ៖ រថយន្តឡិចស៊ីស៤៧០ បើកដោយជនបរទេសម្នាក់ដោយសារតែជែងនៅចំណុចភ្លើងស្តុប ដែលចង្អៀត និងវ៉ារថយន្តមែរសឺដេស ក្នុងទិសដៅស្របគ្នាមិនផុត បណ្តាលឱ្យកាងមុខកៀរចំហៀងរថយន្តមែរសឺដេស ហើយកាងនោះបានជ្រុះធ្លាក់ ។
ហេតុការណ៍នេះកើតឡើងកាលពីវេលាម៉ោង៦និង៣០នាទី ថ្ងៃទី៣០ ឧសភា ស្ថិតនៅចំណុចភ្លើងស្តុបសន្ធរម៉ុក តាមមហាវិថីម៉ៅសេទុង កែងមហាវិថីកម្ពុជាក្រោម ក្នុងសង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ ។
អ្នកបើករថយន្តមែរសឺដេស ឱ្យដឹងថា គាត់បើករថយន្តតាមមហាវិថីម៉ៅសេទុង ពីត្បូងទៅជើងឆ្លងភ្លើងស្តុបពណ៌ខៀវ ស្រាប់តែត្រូវរថយន្តឡិចស៊ីស៤៧០បើកដោយជនបរទេស ជែង និងវ៉ាខាងស្តាំ បណ្តាលឱ្យកាងរថយន្តនោះប៉ះទ្វាររថយន្តរបស់គាត់ក្រពឹត និងរលាត់ថ្នាំ ។ ក្រោយកើតហេតុសមត្ថកិច្ចប៉ូលិសបានជួយដោះស្រាយ ហើយអ្នកបើករថយន្តបង្កជាជនបរទេសយល់ព្រមសង ហើយក៏យករថយន្តមែរសឺដេសទៅជួសជុលនៅយានដ្ឋាន ដោយក្រុមហ៊ុនធានារ៉ាប់រងជាអ្នកចេញ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]