រាជធានីភ្នំពេញ ៖ ស្ត្រីម្នាក់បានរងរបួសធ្ងន់ដោយបាក់ជើងស្តាំ និងស្ត្រី២នាក់ទៀតរងរបួសស្រាលក្នុងហេតុការណ៍គ្រោះថ្នាក់ ចរាចរណ៍ ដែលស្ត្រីរងគ្រោះទាំង៣នាក់នេះ បានជិះម៉ូតូស្គូពីមួយគ្រឿងជ្រុលទៅបុករ៉ឺម៉កម៉ូតូកង់បី ក្នុងដំណើរស្របទិសគ្នា ពីត្បូងទៅជើង ។ ហេតុការណ៍នេះបានកើតឡើងកាលពីវេលាម៉ោង៩និង១០នាទីយប់ថ្ងៃទី ២៩ ឧសភា នៅចំណុចមុខក្រសួងយុត្តិធម៌ ក្នុងសង្កាត់ជ័យជំនះ ខណ្ឌដូនពេញ ។
ប្រភពព័ត៌មាននៅកន្លែងកើតហេតុឱ្យដឹងថា មុនពេលកើតហេតុស្ត្រីទាំង៣នាក់បានជិះម៉ូតូស្គូពី ពណ៌ឈាមជ្រូក តាមបណ្តោយវិថីសុធារស ពីត្បូងទៅជើង លុះមកដល់ចំណុចកើតហេតុខាងលើរ៉ឺម៉កម៉ូតូកង់បីដែលបើកនៅខាង មុខបត់ឆ្វេងដោយមិនបានមើលមុខក្រោយ ជាហេតុបណ្តាលឱ្យម៉ូតូស្គូពី ដែលជិះដោយស្រ្តី៣នាក់នៅពីក្រោយបុកត្រូវចំហៀងរ៉ឺម៉កម៉ូតូកង់ បី បណ្តាលឱ្យស្ត្រីម្នាក់បាក់ជើងស្តាំតែម្តង ។ ចំណែកឯស្ត្រី២នាក់ទៀតគ្រាន់តែរងរបួសស្រាលប៉ុណ្ណោះ ។
ក្រោយពេលកើតហេតុស្ត្រីរងរបួសធ្ងន់ត្រូវបាន រថយន្តសាមុយដឹកបញ្ជូនទៅមន្ទីរពេទ្យកាល់ម៉ែត ។ ដោយឡែករ៉ឺម៉កម៉ូតូកង់បីបានបើករត់គេចខ្លួនបាត់ស្រមោល ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
