ភ្នំពេញ៖ ថ្មីៗនេះ មានព័ត៌មានលេចឮថា តារាសម្តែងស្រីសាច់ស រាងតូចច្រឡឹង កញ្ញា ទេព សម្ផស្ស កំពុងតែជួបប្រទះភាពប្រេះឆាគ្នា ជាមួយគូស្នេហ៍ជនជាតិហ្វីលីពីន បន្ទាប់ពីនាងបានទាក់ ទងស្នេហាជាមួយគ្នា អស់រយៈពេលច្រើនឆ្នាំមក។ បើផ្អែកតាមប្រភពពីអ្នកនៅក្បែរតារាស្រី ធ្លាប់មានឈ្មោះល្បីបង្គួរ ទេព សម្ផស្ស បាននិយាយឲ្យដឹង ថា ពេលនេះចំណងស្នេហ៍រវាង ទេព សម្ផស្ស ជាមួយនឹងបុរសង្សារ អ្នកជំនួញឆ្លងប្រទេស បាននឹងកំពុងតែឈាន ទៅដល់ផ្លូវបែកបាក់វិញហើយ ព្រោះតែការមិន ជឿជាក់ទៅលើគ្នា។ បុរសម្នាក់នេះតែង តែលើកហេតុផល ពីការប្រច័ណ្ឌទើបធ្វើ នាងមិនសប្បាយចិត្ត បណ្តាលឲ្យក្លាយទៅ ជារឿងឈ្លោះប្រកែកពាក្យសម្តីគ្នា។
ប្រភពដែលកំពុងតែនិយាយ ចេញរអេចរអូច ពីមាត់មួយទៅមាត់មួយ បានលើកឡើងទៀតថា ពេលនេះ ទេព សម្ផស្ស ហាក់ដូចជាធ្លាក់កាលីប (ភាពហ៊ឺហា) ជាងពេលមុនៗ ព្រោះតែបុរសជាគូស្នេហ៍បាន ប្រែក្លាយចិត្តពីសម្ផស្ស មិនសូវគិតគូរ ដូចកាលពីគ្រាដំបូងនោះឡើយ។ រយន្តស៊េរីទំនើប ដែលនាងធ្លាប់ជិះឆ្វេចឆ្វាច ក៏ត្រូវឃ្លាតចាកឆ្ងាយពីនាង ទៀតផង។
ប្រភពខាងលើ បានបន្តថា អំឡុងពេលថ្មីៗនេះ តារាសម្តែងនាង ទេព សម្ផស្ស ដូចជាមិនឃើញ បញ្ចេញឡានថ្មីស៊េរីទំនើប BMW X5 ដែលមានតម្លៃរាប់ម៉ឺនដុល្លារនោះទេ ទើបមានការសង្ស័យចេញ មកថា នាង ទេព សម្ផស្ស ទំនងត្រូវបានគូស្នេហ៍ ដកហូតរយន្តនេះវិញ ក៏ថាបាន ។
តារារាងតូចច្រឡឹង មានមន្តស្នេហ៍ កញ្ញា ទេព សម្ផស្ស មុននេះត្រូវបានមហាជន អ្នកគាំទ្រចាប់អារម្មណ៍ថា នាងតែងបង្ហាញពីឥរិយាបទភាពហ៊ឺហា ដោយការប្រើប្រាស់ សម្ភារៈមានតម្លៃថ្លៃៗ ប្រៀបបាន នឹងមនុស្សដែលមានឥទ្ធិពល នៅក្នុងសង្គមម្នាក់។ ប៉ុន្តែថ្មីៗនេះ ស្រាប់តែ លេចឮព័ត៌ មានល្ហៀងៗមកថា នាងមិនសូវហ៊ឺហា ខ្លាំងដូចមុខទៀតឡើយ។
ជុំវិញព័ត៌មានដ៏រសើបខាងលើនេះ គេហទំព័រ Looking DODAY មិនអាចទាក់ទង ដើម្បីសុំការបកស្រាយ ពីតារាស្រី កញ្ញា ទេព សម្ផស្ស បាននៅឡើយទេ។ LookingDODAY ស្វាគមន៍ជានិច្ច ចំពោះវត្តមាន ចេញមកបកស្រាយ ពីសំណាក់ កញ្ញា ទេព សម្ផស្ស នៅពេលក្រោយ៕
ភាពសិចស៊ីរបស់ ទេព សម្ផស្ស សម្តែងក្នុងបទចម្រៀង He Ain't Gotta Know
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
