ដឹងទេថា ផ្លែទៀបខ្មែរ អាចជួយ ព្យាបាលជម្ងឺមួយចំនួន ក្នុងរាងកាយអ្នកបាន!

 ផ្លែទៀបខ្មែរ ជាផ្លែម៉្យាងដែល គ្រប់គ្នានិយមចូលចិត្តទទួលទាន ពីព្រោះវាមានរសជាតិផ្អែមឆ្ងាញ់។ យ៉ាងណាមិញ វាក៏បានផ្តល់ នូវគុណប្រយោជន៍ជាច្រើន ដល់សុខភាពរបស់អ្នក ដែលអ្នកមិនធ្លាប់ដឹងពីមុនមក។ ដូច្នេះតើវា អាចជួយអ្នក បានអ្វីខ្លះ?៖

 •ផ្លែទៀបខ្មែរ ជាផ្លែសម្បូរជាតិ វីតាមីនCខ្ពស់ ដែលប្រឆាំងនឹងអុកស៊ីដកម្ម និងការជួយកំទេច រ៉ាឌីកាល់សេរីបាន។

 • ចំពោះផ្លែទៀប មានជាតិវីតាមីនA ដែលអាចជំនួយដល់សក់ ភ្នែក និងស្បែករបស់អ្នក អោយមាន ភាពភ្លឺរលោងស្រស់ស្អាតបាន។

 • ផ្លែទៀបផ្ទុកជាតិ ម៉ាញេស៉្យូម ដែលដើរតួនាទី យ៉ាងសំខាន់ ចំពោះសាច់ដុំរបស់អ្នក អោយរឹងមាំល្អ និងជួយការពារជម្ងឺបេះដូងបាន ថែមទៀត។

 • មិនតែប៉ុណ្ណោះ សូម្បីតែវីតាមីនB6 និងប៉ូតាស៉្យូម ក៏មានក្នុងផ្លែទៀបដែរ ដែលជួយអោយ ចង្វាក់បេះដូង មានស្ថានភាពល្អបាន។

 • ផ្លែទៀប សម្បូរជាតិសរសៃខ្ពស់ ដែលជួយដល់ប្រព័ន្ធរំលាយអាហារ អោយមានដំនើរការល្អផងដែរ។

 • ចំពោះផ្លែទៀប មានកម្រិតជាតិខ្លាញ់ទាបបំផុត ដូច្នេះវាមិនអាច អោយអ្នកទទួលទានហើយ ឡើងទម្ងន់នោះទេ។

 • កាលពីសម័យមុន ភាគច្រើនគេតែងយក ផ្លែទៀបនេះ ទៅបិទលើដំបៅ និងបូសខ្ទុះ ជាដើម ដើម្បីអាចជាសះស្បើយ លើមុខរបួសបាន។

 •ចំពោះផ្លែទៀបខ្ចី ដែលហាលអោយស្ងួត រួចកិនអោយម៉ត់ វាក៏អាចព្យាបាល បញ្ហារាគមួលបានដែរ។

 ទាំងនេះជាអត្ថប្រយោជន៍ របស់ផ្លែទៀបខ្មែរ ដែលអាចជួយព្យាបាលដល់ ជម្ងឺមួយចំនួនក្នុង រាងកាយរបស់អ្នកបានទៀតផង។

ប្រភព បរទេស

កែសម្រួល កា

ខ្មែរឡូត