ខេត្តបន្ទាយមានជ័យ ៖ កម្លាំងកងរាជអាវុធហត្ថខេត្ត ចាប់ឃាត់ខ្លួនបុរសម្នាក់ក្លែងបន្លំជាអាណិកជនខ្មែរមកពីអាមេរិក ដែលប្រើល្បិចឆបោកស្ត្រីម្នាក់ឱ្យលក់ផ្ទះសម្បែង និងដីយកលុយប្រមាណ៣ម៉ឺនដុល្លាររៀបការជាមួយនាង ហើយធានាយកទាំងគ្រួសារចេញទៅអាមេរិក ប៉ុន្តែទីបំផុតមិនអាចចេញទៅបាន នាងក៏ប្តឹងសមត្ថកិច្ចឱ្យចាប់ខ្លួនកាលពីថ្ងៃទី២៥ ឧសភា ឥឡូវត្រូវបញ្ជូនទៅសាលាដំបូងខេត្ត ដើម្បីអនុវត្តទៅតាមផ្លូវច្បាប់នៅថ្ងៃទី២៨ ឧសភា ២០១២ ។
លោកវរសេនីយ៍ទោ ម៉ែន ភិរម្យ មេបញ្ជាការរងទទួលបន្ទុកយុត្តិធម៌នៃកងរាជអាវុធហត្ថខេត្ត ប្រាប់ថា បុរសដែលក្លែងបន្លំជាអាណិកជនឈ្មោះអ៊ុន សុភាព ហៅហាក់ហៀងឡុង អាយុ៤៩ឆ្នាំ មានស្រុកកំណើតនៅភូមិស្វាយដង្គំ ឃុំស្វាយដង្គំ ស្រុកសៀមរាប ខេត្តសៀមរាប ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
