រាជធានីភ្នំពេញ ៖ មនុស្សម្នាផ្អើលឆោឡោនាំគ្នាមើលបុរសម្នាក់ស្លៀកសម្លៀកបំពាក់ ប៉ារ៉ា ហើយបានស្រែកជេរសមត្ថកិច្ចកប់ៗមាត់ និងថែមទាំងរករឿងបម្រុងវាយអ្នកកាសែតថែមទៀត ខណៈសមត្ថកិច្ចប៉ូលិសចុះទៅអន្តរាគមន៍ និងអ្នកកាសែតថតរូបក្រោយពីយោធាម្នាក់នេះស្រវឹងស្រាបើកម៉ូតូ ទៅបុកកង់នារីម្នាក់ពីក្រោយពេញទំហឹង បណ្តាលឱ្យនារីអ្នកជិះកង់ម្នាក់រងរបួសជាទម្ងន់ ហើយត្រូវបានគេបញ្ជូនទៅមន្ទីរពេទ្យ ដើម្បីសង្គ្រោះ និងព្យាបាលភ្លាមៗផងដែរ។ ហេតុការណ៍នេះបានកើតឡើងកាលពីវេលាម៉ោង៩និង៣០នាទីយប់ថ្ងៃទី ២៦ ឧសភា ២០១២ នៅតាមបណ្តោយផ្លូវលេខ២០០៥ ក្នុងសង្កាត់កាកាប ខណ្ឌពោធិ៍សែនជ័យ ។
នៅកន្លែងកើតហេតុយោធាដែលជិះម៉ូតូបង្ក គ្រោះថ្នាក់ត្រូវបានគេស្គាល់តាមរយៈស្លាកនៅលើអាវ គឺឈ្មោះស៊ីម ស្រស់ ឋានៈអនុសេនីយ៍ឯក អង្គភាពកងពលតូចដឹកជញ្ជូនលេខ៩៩ មានទីតាំងស្ថិតនៅមិនឆ្ងាយពីកន្លែងកើតហេតុ ។ក្រោយពេលកើតហេតុយោធាម្នាក់នេះបានហៅបក្សពួកដែលសុទ្ធតែ ទាហានដូចគ្នាមកបញ្ចេញកាយវិការច្រងេងច្រងាងដាក់សមត្ថកិច្ច ប៉ូលិសដែលព្យាយាមដកហូតយកម៉ូតូបង្កទៅអធិការដ្ឋានខណ្ឌពោធិ៍ សែនជ័យ ។ ពួកគេជេរប៉ូលិស និងអ្នកកាសែតយ៉ាងឆ្ងាញ់មាត់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
