យុវជនសម័យថ្មី ផឹកស៊ីជ្រុលម៉ោង ស្រវឹងដល់ក បើករថយន្តបុក បង្គោលភ្លើងខ្ទេច

ភ្នំពេញៈ រថយន្តលុច្សស៊ីស ពណ៌ស ស្រស់ស្អាតមួយគ្រឿង ពាក់ស្លាកលេខ ភ្នំពេញ 2Q-3260 បាន ឡើងលើចិញ្ចើមផ្លូវ ហើយស្លាកសញ្ញាលាងរថយន្ត និងបង្គោលភ្លើងឡើងទ្រេត មួយដើមទៅមុខលែងរួច ស្ថិតនៅផ្លូវបំបែកជា បួន ជាប់ស្ថានីយ៍ប្រេងឥន្ធនៈតូតាល់ ពោលគឺផ្លូវ១៥៣ កែង៤៣២ ក្បែរស្ថានទូតចិន ក្នុងសង្កាត់ទូលទំពូងទី២ ខណ្ឌចំការមន វេលា ម៉ោងជាង៤ទៀបភ្លាម។

ក្នុងហេតុការណ៍រថយន្តឡើងចិញ្ចើមផ្លូវ បុកបង្គោលភ្លើងនេះ ត្រូវបានសាក្សីនៅកន្លែងកើតហេតុ យុវជនវ័យជាង២០ ជាអ្នកបើកបរបានស្រវឹងឡើងទ្រេត បើកបរក្នុងល្បឿនយ៉ាងលឿន ហើយប្រហែលជាទន់ភ្នែកផងនោះ  ទើបមើលផ្លូវ មិនច្បាស់បណ្តាលឲ្យជ្រុលចង្កោតបុកបង្គោលភ្លើងតែម្តងទៅ។ តែទោះជាយ៉ាងណា អ្នកបើកបរមិនបានរងគ្រោះ ថ្នាក់នោះទេ គឺខូចខាតតែរថយន្តផ្នែកខាងមុខយ៉ាងធ្ងន់ធ្ងរ។

ក្រោយពេលកើតហេតុម្ចាស់រថយន្តស្រស់ស្អាតមួយគ្រឿងនេះ បានព្យាយាមសម្រួលជាមួយសមត្ថកិច្ច តែមិនបានផលនោះ គឺត្រូវបានកម្លាំងនគរបាលចរាចរណ៍រាជធានី ភ្នំពេញ ស្ទួចយករថយន្តទៅរក្សាទុក៕