ខេត្តឧត្តរមានជ័យ ៖ បុរសអ្នករត់ម៉ូតូឌុបម្នាក់ឈ្មោះ សេង ជ្រ ហៅម៉ាប់ អាយុ២៤ឆ្នាំ រស់នៅភូមិជើងភ្នំ ឃុំត្រពាំងប្រីយ៍ ស្រុកអន្លង់វែង បានរងរបួសធ្ងន់ ដោយសារត្រូវចោរកាប់ប្លន់យកម៉ូតូ ហើយត្រូវបាននាំយកទៅសង្គ្រោះនៅប្រទេសថៃកាលពីវេលាម៉ោង ៦ល្ងាចថ្ងៃទី២១ ឧសភា កន្លងទៅ ។
ក្រុមសាច់ញាតិបានឱ្យដឹងថា ជនរងគ្រោះទើបតែសន្សំប្រាក់ទិញបានម៉ូតូសេ១២៥ ស៊េរី២០១២ ពណ៌ខ្មៅ មួយគ្រឿង កាលពីកន្លះខែមុន ហើយនៅពេលទំនេរពីការងារក៏ទៅរត់ម៉ូតូឌុប ។ នៅវេលាម៉ោង៦ល្ងាចថ្ងៃទី២១ ឧសភា មានបុរស២នាក់បានមកហៅបុរសឈ្មោះ សេង ជ្រ ឱ្យឌុបពួកគេទៅភូមិ១០៥ ក្នុងឃុំត្រពាំងប្រីយ៍ ស្រុកអន្លង់វែង លុះពេលទៅដល់ពាក់កណ្តាលផ្លូវកន្លែងស្ងាត់ ស្រាប់តែក្រុមជននោះបានធ្វើសកម្មភាពប្លន់ដោយកាប់៣ពូថៅ របួសធ្ងន់សន្លប់ស្តូកស្តឹង ហើយយកម៉ូតូទៅបាត់ ។
ប្រភពដដែលបន្តទៀតថា ក្រោយមកមានអ្នកភូមិដើរមកជួបទើបមានការភ្ញាក់ផ្អើលហើយ លេចឮដល់សាច់ញាតិក៏មានការសង្ស័យនាំគ្នាទៅមើលឃើញជន រងគ្រោះសន្លប់នៅក្នុងថ្លុកឈាម ក៏នាំយកមកសង្គ្រោះនៅមន្ទីរពេទ្យបង្អែកស្រុកអន្លង់វែង រួចនាំបន្តទៅសង្គ្រោះនៅមន្ទីរពេទ្យឯប្រទេសថៃទៀត ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
