យោងទៅតាមប្រភពព័ត៌មានដេលី ឈីលី ចេញផ្សាយកាលពីថ្ងៃព្រហស្បតិ៍ទី២៤ ឧសភា ឆ្នាំ២០១២ បានឱ្យដឹងថា តួសម្តែងភាពយន្តចិនដែលមានរាងសិចស៊ីដូចនាឡិកាខ្សាច់លី ប៊ីងប៊ីង (Li Bing Bigg) បានបដិសេធពាក្យចរចាមអារ៉ាមដែលបានលើកឡើងថា នាងគ្រោងនឹងរៀបការជាមួយមហាសេដ្ឋីក្រុងហុង ។ នាងថ្លែងបែបនេះនៅក្នុងឱកាសចូលរួមមហោស្រពបញ្ចាំងខ្សែភាព យន្តក្នុងទីក្រុងកានប្រទេសបារាំង ។
ជាមួយនឹងទឹកមុខខ្មាសអៀនឡើងក្រហមនាងលី ប៊ីងប៊ីង បាននិយាយសម្រាលចំពោះសំណួរអ្នកយកព័ត៌មានដែលបានចោទសួរ ពីគម្រោងរៀបការជាមួយមហាសេដ្ឋី ថា ឥឡូវនេះខ្ញុំមានមិត្តប្រុសក្មេងម្នាក់នៅក្នុងចិត្តរបស់ខ្ញុំ ហើយ ខ្ញុំនឹកគេជារៀងរាល់ថ្ងៃ បើទោះជាខ្ញុំមមាញឹកនឹងការសម្តែងក៏ដោយ ។ នាងនិយាយបែបនេះ គឺសំដៅទៅលើក្មួយប្រុសរបស់នាងដែលមានអាយុ១០ខែ ហើយនាងក៏បានបង្ហាញរូបថតឱ្យអ្នកយកព័ត៌មានមើលធ្វើឱ្យអ្នកយក ព័ត៌មានស្រឡាំងកាំងគ្រប់គ្នា ។
នាងបានបន្តទៀតថា ខ្ញុំសូមអះអាងថា ខ្ញុំគឺពិតជានៅលីវ ខ្ញុំមិនមានទំនាក់ទំនងជាមួយមហាសេដ្ឋីណានោះទេ បើទោះជាអាយុរបស់ខ្ញុំជ្រេបន្តិចទៅហើយក្តី ។ ទោះជាយ៉ាងណាក្តី ខ្ញុំក៏មិនបដិសេធថាមិនយកស្វាមីរហូតនោះទេ ហើយសព្វថ្ងៃនេះខ្ញុំកំពុងសម្លឹងមើលបុរសណាដែលអាចផ្ញើវាសនាបាន នៅថ្ងៃអនាគត ពោលគឺបេះដូងរបស់ខ្ញុំកំពុងបើកទ្វាររង់ចាំស្វាគមន៍បុរស ពិត ។
គួររំលឹកដែរថា នាងលី ប៊ីងប៊ីង ដែលជាតួសម្តែងដ៏មានប្រជាប្រិយភាពរបស់ចិនបច្ចុប្បន្នកំពុងថត រឿង Resident Evil ដើរតួជា Ada Wong ដែលនឹងបញ្ចប់នៅពេលខាងមុខនេះ ហើយនេះគឺចំណងដៃថ្មីរបស់នាងសម្រាប់ឆ្នាំ២០១២ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
