ខេត្តឧត្តរមានជ័យ ៖ ព្រះសង្ឃមួយរូបឈ្មោះសាំង ចក់ អាយុ៣៩ឆ្នាំ គង់នៅវត្តជ្រឹងស្ថិតក្នុងសង្កាត់កូនត្រៀល ក្រុងសំរោង ត្រូវនគរបាលក្រុងសំរោងធ្វើការឃាត់ខ្លួនបញ្ជូនទៅតុលាការខេត្ត កាលពីថ្ងៃទី ២០ មករា ២០១២ កន្លងទៅ ពីបទរំលោភក្មេងស្រី៤នាក់ មានអាយុពី៨ដល់១១ឆ្នាំក្នុងនោះ បានសម្រេច២នាក់ ។
ក្មេងស្រីរងគ្រោះឈ្មោះហ.យ អាយុ១១ឆ្នាំ និងឈ្មោះស.ស.ណ អាយុ៩ឆ្នាំ បានឆ្លើយបំភ្លឺនៅមុខសមត្ថកិច្ចថា មុនពេលកើតហេតុពួកគេទាំងពីរនាក់បានបបួលគ្នាដើរលេងនៅក្នុងវត្តជ្រឹង កាលពីវេលាម៉ោង១២ថ្ងៃត្រង់ថ្ងៃទី១ មករា ២០១២ កន្លងទៅ ស្រាប់តែមានព្រះសង្ឃមួយរូបបាននិយាយជួលឱ្យពួកនាងជម្រះស្មៅនៅក្នុងវត្ត ថាចាំឱ្យលុយ។ បន្ទាប់មកខ្លួននិងមិត្តភក្តិបានជម្រះស្មៅអស់រយៈពេលជាច្រើនម៉ោង ជម្រះស្មៅរួចព្រះសង្ឃរូបនោះបានឱ្យដើរទៅយកលុយនៅព្រៃខាងក្រោយវត្តចម្ងាយប្រហែល៥០ម៉ែត្រ។ ពេលទៅដល់ព្រៃ ស្រាប់តែព្រះសង្ឃរូបនោះឱ្យក្មេងស្រី ហ.យ ចូលទៅក្នុងព្រៃតែម្នាក់ឯងដោយទុកឈ្មោះ ស.ស.ណ អង្គុយចាំនៅខាងក្រៅ។ ពេលចូលដល់ក្នុងព្រៃព្រះសង្ឃរូបនោះបានយកការុងក្រាលហើយសម្រាតខោដោយនិយាយគំរាមថា បើស្រែកនឹងសម្លាប់ចោល ។ កុមារីរងគ្រោះមិនហ៊ានស្រែកទេ សុខចិត្តស៊ូទ្រាំឱ្យព្រះសង្ឃរំលោភរហូតបានសម្រេចចំនួន១ដងឱ្យលុយ១មឺុនរៀល បន្ទាប់មកហៅឈ្មោះ ស.ស.ណ ដើរចូលទៅម្តងព្រះសង្ឃ រូបនោះរំលោភបានសម្រេចម្តងទៀត។ ក្មេងស្រីបានបន្តទៀតថា លុះនៅថ្ងៃទី៤ មករា បាននាំគ្នាដើរទៅលេងវត្តទៀត ម្តងនេះបន្ថែម២នាក់ទៀតទាំងអស់៤នាក់ គឺកុមារី២នាក់ខាងលើ និង រ.រ អាយុ៩ឆ្នាំ , ទ.រ អាយុ៨ឆ្នាំ ពេលទៅដល់វត្តព្រះសង្ឃរូបនោះ បានជួលជម្រះស្មៅទៀតហើយឱ្យទៅព្រៃដូចមុនក៏បានរំលោភកុមារី ហ.យ បាន២ដង និង ស.ស.ណ បានម្តង។ ឯក្មេងស្រី ២នាក់ទៀតគ្រាន់តែលេងប្រដាប់ភេទរួចក៏ឱ្យត្រឡប់ទៅផ្ទះវិញ ។ នៅពេលបែកការណ៍អាណាព្យាបាលក្មេងស្រីទាំងបួននាក់បានប្តឹងសមត្ថកិច្ចរហូតឈានដល់ការឃាត់ខ្លួនសង្ឃកំហូចរូបនេះ ។
យោងតាមចម្លើយសារភាពរបស់ជនជាប់ចោទនិងយោងតាមពាក្យបណ្តឹងរបស់អាណាព្យាបាលក្មេងស្រី សមត្ថកិច្ចបានកសាងសំណុំរឿងបញ្ជូនជនសង្ស័យទៅសាលាដំបូងខេត្តដើម្បីផ្តន្ទាទោសទៅតាមផ្លូវច្បាប់ ៕
ដោយ ៖ ប្រុសកោះ
ដកស្រង់ពីគេហទំព័រ កោះសន្តិភាព
សូមប្រិយមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
