រាជធានីភ្នំពេញ ៖ យុវជនរូបសង្ហាម្នាក់ដែលត្រូវបានជ្រើសរើសជាហ្វ្រេសស៊ីប៊យ លេខ៤ ប្រចាំស្ថានីយទូរទស្សន៍ប៉ុស្តិ៍លេខ៣ បានជិះម៉ូតូមកឈប់លើស្ពានជ្រោយចង្វាហើយលោតទឹកសម្លាប់ខ្លួន ។ ហេតុការណ៍នេះបានធ្វើឱ្យមានការភ្ញាក់ផ្អើលកាលពីវេលាម៉ោង៣ និង២០នាទីរសៀលថ្ងៃទី២៤ ខែឧសភា ។
នេះជាជនទី២ ដែលបានធ្វើដំណើរមកលោតទឹកពីលើស្ពានជ្រោយចង្វានៅថ្ងៃទី ២៤ ឧសភា ដែលកាលពីវេលាម៉ោង១១និង១០នាទីព្រឹក ស្ត្រីម្នាក់ក៏បានធ្វើដំណើរមកលោតទឹកដែរ តែត្រូវប៉ូលិសឃាត់ទាន់ ។
យុវជនម្នាក់នេះឈ្មោះសុខ វីរៈ អាយុ១៨ឆ្នាំ ជាសិស្សថ្នាក់ទី១២ នៃវិទ្យាស្ថានប៊ែលធី មានទីលំនៅក្រោយវិទ្យាល័យជា ស៊ីមសាមគ្គី សង្កាត់បឹងសាឡាង ខណ្ឌទួលគោក ហើយក៏ជាហ្វ្រេសស៊ីប៊យជាប់ចំណាត់ថ្នាក់លេខ៤ សម្រាប់ឆ្នាំនេះផងដែរ ។ ទាក់ទិននឹងការលោតទឹកសម្លាប់ខ្លួននេះ ត្រូវក្រុមគ្រួសារអះអាងថា បណ្តាលមកពីសង្សារសុំបែកផ្លូវគ្នា ហើយក៏ជិះម៉ូតូមកឈប់លើស្ពានលោតទឹកសម្លាប់ខ្លួនតែម្តង។
តាមព័ត៌មានឱ្យដឹងថា នៅមុនពេលកើតហេតុ យុវជនរូបនេះបានជិះម៉ូតូម៉ាកអាយខន ពណ៌ទឹកក្រូចលាយខ្មៅ មួយគ្រឿង ពីទិសខាងលិចទៅខាងកើតឡើងទៅឈប់លើស្ពានជ្រោយចង្វា ហើយក៏លោតសម្លាប់ខ្លួន និងលិចបាត់ទៅក្នុងទឹក ។ នៅខណៈពេលដែលលោតនោះ មានបងប្អូនជីដូនមួយជិះម៉ូតូតាមមកភ្លាមៗដែរ តែឃាត់រូបគេមិនទាន់ ។ តាមស្ត្រីជាម្តាយឱ្យដឹងថា នៅមុននេះបន្តិចកូនប្រុសគាត់បានសុំប្រាក់១០ដុល្លារ ហើយក៏ជិះម៉ូតូចេញទៅបាត់និងមិននឹកស្មានថា មកលោតទឹកសម្លាប់ខ្លួនបែបនេះទេ ។ ស្ត្រីជាម្តាយបានបន្តទៀតថា កូនប្រុសរបស់គាត់បានប្រឡងជាប់ហ្វ្រេសស៊ីប៊យលេខ៤ នៅស្ថានីយទូរទស្សន៍ប៉ុស្តិ៍លេខ៣ និងមិនដែលមានបញ្ហា ឬទំនាស់ក្នុងគ្រួសារឡើយ ។
បុរសម្នាក់ឈ្មោះផានី អាយុ២១ឆ្នាំ ជាបងប្អូនជីដូនមួយយុវជនរូបនេះឱ្យដឹងថា សុខ វីរៈ មកលោតទឹកសម្លាប់ខ្លួនដោយសារតែសង្សារសុំបែកផ្លូវ ។ នៅមុនពេលកើតហេតុ ខ្លួនបានជួប សុខ វីរៈ នៅមុខវិទ្យាល័យបាក់ទូក ហើយវីរៈ បានប្រាប់ថា សង្សារបែកគ្នា និងបញ្ជាក់ថាយើងឈប់ជួបគ្នាទៀតហើយ ព្រមទាំងប្រគល់ទូរស័ព្ទ និងកាបូបស្ពាយ រួចក៏បានជិះម៉ូតូគេចមកលោតទឹកសម្លាប់ខ្លួនបែបនេះតែម្តង ។ ភ្លាមៗនោះខ្លួនបានមកទាន់ដែរ តែពុំអាចជួយសង្គ្រោះបាន ។
តាមព័ត៌មានឱ្យដឹងថា សុខ វីរៈ ជាកូនប្រុសមន្ត្រីប៉ូលិសស័ក្តិ៤កន្លះ ពេលចេញពីផ្ទះសង្សារទូរស័ព្ទប្រាប់ថា សុំចែកផ្លូវគ្នាក៏បានជិះម៉ូតូមកលោតទឹកតែម្តង ។ ក្រោយពីការលោតទឹកនោះ ក្រុមគ្រួសារបានជួលអ្នកនេសាទអ៊ិស្លាមរាវរកក្នុងតម្លៃ៤០០ ដុល្លារ ហើយក៏បានរកឃើញសពនៅវេលារសៀលថ្ងៃដដែល ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
Facebook របស់ សុខ វីរៈ ៖ Vireak Mario
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
