រាជធានីភ្នំពេញ ៖ កាលពីវេលាម៉ោង១០ ព្រឹកថ្ងៃទី២១ ឧសភា ស្រ្តីម្នាក់ដែលអារ.កដៃ សន្លប់ស្តូកស្តឹងត្រូវសាច់ញាតិដឹកតាមម៉ូតូមក ទម្លាក់ចោលនៅមន្ទីរពេទ្យព្រះកុសុមៈ ដោយគ្រាន់តែបង់ថ្លៃសេវា៥.០០០រៀល ហើយនាំគ្នាគេចទៅបាត់អស់ ។
ស្រ្តីដែលត្រូវសាច់ញាតិយកទៅប្លុងចោល នៅមន្ទីរពេទ្យនេះឈ្មោះទន់ មករា អាយុ៣៥ឆ្នាំ ជាកម្មការិនី ស្នាក់នៅសង្កាត់ផ្សារអូរឫស្សីទី៣ ខណ្ឌ៧មករា ។ ស្ត្រីម្នាក់បានប្រាប់គ្រូពេទ្យថាត្រូវជាបងស្រីនិយាយថា នៅថ្ងៃកើតហេតុគាត់ត្រឡប់មកពីផ្សារវិញ ស្រាប់តែឃើញប្អូនស្រី ទន់ មករា ដេកអារកដៃស្តាំសន្លប់ស្តូកស្តឹង មិនដឹងជាមានរឿងអីទេ ហើយគាត់ក៏បានដឹកតាមម៉ូតូយកមកមន្ទីរពេទ្យ ។
ពេលទៅដល់មន្ទីរពេទ្យស្ត្រីរូបនោះបានទៅបង់ថ្លៃសេវា ចំនួន៥.០០០រៀល ហើយបន្លំគេចខ្លួនចេញទៅបាត់មិនមានសាច់ញាតិណាម្នាក់នៅមើលថែទេ ដោយទុកឱ្យស្ត្រីរូបនេះដេកសន្លប់ស្តូកស្តឹងលើគ្រែម្នាក់ឯង ។
ទាក់ទិននឹងករណីនេះ មិនដឹងជាក្នុងក្រុមគ្រួសារមានរឿងអី ហើយនារីអារ.កដៃនោះមិនដឹងជាធ្វើអ្វីឱ្យក្រុមគ្រួសារមិនពេញចិត្ត ទើបគេយកទៅប្លុងចោលនៅក្នុងមន្ទីរពេទ្យយ៉ាងឯកោបែបនេះ ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
