លោកអនុរដ្ឋមន្ត្រីការបរទេសជប៉ុនបានប្រកាសតែងតាំងលោក Osamu Mukai តារាភាពយន្តមានប្រជាប្រិយភាពរបស់ជប៉ុនជាឯកអគ្គរដ្ឋទូតសុឆន្ទៈសម្រាប់ប្រទេសជប៉ុន និងកម្ពុជា ដើម្បីពង្រឹងទំនាក់ទំនងល្អរវាងប្រទេសទាំងពីរ។
សារព័ត៌មានក្យូដូបានឲ្យដឹងថា នៅក្នុងសន្និសីទសារព័ត៌មានលោក Ryuji Yamane សមាជិកសភាជាន់ខ្ពស់ និងជាអនុរដ្ឋមន្ត្រីការបរទេសជប៉ុនបានមានប្រសាសន៍ថា តារាដែលមានអាយុ ២៩ឆ្នាំរូបនេះជាតួសម្តែងខ្សែភាពយន្តថតនៅក្នុងប្រទេសកម្ពុជា នឹងក្លាយទៅជាឯកអគ្គរដ្ឋទូតសុឆន្ទៈសម្រាប់ប្រទេសទាំងពីររហូតដល់ចុងឆ្នាំក្រោយ។
លោក Mukai បានដើរតួក្នុងរឿងដែលមានចំណងជើងថា “យើងមិនអាចផ្លាស់ប្ដូរពិភពលោកបានទេ ក៏ប៉ុន្តែយើងចង់សង់សាលារៀនមួយនៅក្នុងប្រទេសកម្ពុជា” ដែលបានចេញបញ្ចាំងនៅក្នុងប្រទេសជប៉ុនកាលពីចុងខែកញ្ញា ២០១១។
ឆ្នាំនេះគឺជាខួបឆ្នាំទី២០ នៃកិច្ចព្រមព្រៀងសន្តិភាពទីក្រុងប៉ារីស ដែលបាននាំមកនូវការបញ្ចប់សង្គ្រាមស៊ីវិលនៅក្នុងប្រទេសកម្ពុជា៕
“យើងមិនអាចផ្លាស់ប្ដូរពិភពលោកបានទេ ក៏ប៉ុន្តែយើងចង់សង់សាលារៀនមួយនៅក្នុងប្រទេសកម្ពុជា" ជាភាសា អង់គ្លេស "We Can't Change The World But, We Wanna Build a School in Cambodia" ។
សូមមើលវិដេអូខ្លី នៅក្នុងភាពយន្តនេះ
ដកស្រង់អត្ថបទ ពី ABC News
សូមអរគុណ កញ្ញា Kim Minah ដែលបាន ផ្តល់ព័តមាន ដល់ Khmerload
Khmerload can't change the world, but Khmerload can share the words to you all.
សូមមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]