យោងតាមប្រភពពីគេហទំព័រដេលីឈីលី ចេញផ្សាយថ្ងៃទី២០ ឧសភា ឆ្នាំ២០១២ ឱ្យដឹងថា នាង Miley Cyrus តារាចម្រៀងប៉ុបកំពុងពេញនិយមពីសំណាក់យុវវ័យនៅទូទាំងពិភពលោក បានសារភាពថា ការបែកបាក់ស្នេហាគ្រាដំបូងរវាងនាងជាមួយលោក Nick Jonas គឺជាការឈឺចាប់បំផុតកាលនាងមានអាយុ១៤ឆ្នាំ ។
តារាចម្រៀងម្នាក់នៅ Hannah Montana បាននិយាយថា នាង Miley Cyrus ធ្លាប់ណាត់ជួបជាមួយលោក Jonas ដែលកាលនោះនាងទើបតែមានអាយុ១៤ឆ្នាំប៉ុណ្ណោះ ហើយការបែកបាក់ស្នេហារបស់ពួកគេគឺប៉ះពាល់ដល់ផ្លូវចិត្តនាងយ៉ាង ខ្លាំង ។
នាង Miley Cyrus និយាយថា នាងបានស្រឡាញ់បុរសនេះ ព្រោះនាងយល់ថាវាពិតជាអស្ចារ្យណាស់ និងរំភើបពេលនៅជាមួយគាត់ ។ ប៉ុន្តែនៅពេលស្នេហានាងប្រេះស្រាំ បេះដូងរបស់នាងត្រូវខ្ទេចខ្ទាំ ពិភពលោកប្រែជាងងឹតសូន្យសុង ឆាកជីវិតរបស់នាងជួបតែទុក្ខសោកពេលដឹងថា លោក Nick Jonas មិនស្រឡាញ់នាង ។
តារាចម្រៀងប្រជាប្រិយវ័យ១៩ឆ្នាំរូបនេះបាន បង្ហើបឱ្យដឹងទៀតថា ព្រោះតែរឿងនេះ នាងយំសោកបោកខ្លួនអស់រយៈពេល១ខែ ។ ប៉ុន្តែក្រោយមក ឪពុករបស់នាងគឺលោក Billy Ray Cyrus បានមកលួងលោម និងផ្តល់ជាកម្លាំងចិត្តដល់នាង ហើយគាត់ប្រាប់ថា រឿងនេះគួរតែបំភ្លេចចោលទៅ ។
នាងបានបន្តថា ចាប់តាំងពីពេលនោះមកនាងចងចាំនូវពាក្យពេចន៍ឪពុករបស់នាង ហើយគិតថា នេះមិនមែនជាទីបញ្ចប់នៃពិភពលោកទេ នាងត្រូវតែពុះពារយកឈ្នះលើចិត្តរបស់នាងឱ្យបាន ។ ទោះបីជាយ៉ាងណា វាជារឿងពិតដែលនាងមិនអាចបំភ្លេចបានក្នុងឆាកជីវិតរបស់នាង ៕
ដោយ ៖ សាម៉ន
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
