រាជធានីភ្នំពេញ ៖ បុរសម្នាក់មានប្រពន្ធបានទៅទាក់ទងស្នេហាជាមួយស្ត្រីម្នាក់ទៀតដែលជាកម្មការិនីរោងចក្រកាត់ដេរជាមួយគ្នា ហើយបានរួមរ័កមេត្រីដោយស្មោះស្ម័គ្រចំនួន៤ដងមកហើយ លុះចុងក្រោយបងស្រីរបស់នាងមកទាន់ក៏ចោទប្រកាន់ថា ចាប់រំលោភហើយប្តឹងឱ្យប៉ូលិសចាប់ខ្លួនបុរសនោះ ដើម្បីកសាងសំណុំរឿងបញ្ជូនទៅតុលាការ ។
ហេតុការណ៍នេះបានកើតឡើងកាលពីល្ងាចថ្ងៃទី២៣ មករា ២០១២ នៅ ចំណុចបន្ទប់ជួលភូមិព្រៃទា សង្កាត់ចោមចៅ ខណ្ឌពោធិ៍សែនជ័យ។ ជនជាប់ចោទខាងលើឈ្មោះហាក់ សុធា អាយុ៣១ឆ្នាំ ជាកម្មកររោងចក្រកាត់ដេរស្នាក់នៅផ្ទះជួលភូមិកើតហេតុខាងលើមានប្រពន្ធកូនទៅហើយ។ ដោយឡែកនាងជាសង្សារអាយុ២១ឆ្នាំ ជាកម្មការិនីរោងចក្រកាត់ដេរជាមួយគ្នាមានទីលំនៅបន្ទប់ជួលខាងលើដែរ។ ប្រភពព័ត៌មានបានឱ្យដឹងថា ជនជាប់ចោទ និងនាងដើមបណ្តឹងបានស្រឡាញ់គ្នារយៈពេលជាង១ឆ្នាំ ដោយពួកគេយកគ្នាជាគូសង្សារ ហើយក៏បានរួមរ័កមេត្រី ដោយស្មោះស្ម័គ្រជាមួយគ្នាបានចំនួន៤ដងទៀត ។
ប្រភពដដែលបានបន្តទៀតថា លុះរហូតដល់ថ្ងៃទី២៣ មករា ២០១២ នាងជាសង្សារបានសុំច្បាប់ថៅកែរោងចក្រ ឈប់សម្រាកកន្លះថ្ងៃដោយប្រាប់ថា អត់ស្រួលខ្លួន ខណៈនោះបុរសជាប់ចោទដឹងថា នាងអត់ទៅធ្វើការក៏ធ្វើដំណើរទៅរកនាងដល់បន្ទប់ជួល ហើយក៏នាំគ្នាឡើងឋានសួគ៌ តែចៃដន្យបងស្រីនាងមកទាន់ក៏ប្តឹងប៉ូលិសចាប់ខ្លួនតែម្តង៕
ដកស្រង់ ពីគេហទំព័រ កោះសន្តិភាព
សូមមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]